Теһранын ҹүмә намазы хәтиби: Јәмән халгынын гырғын едилмәси Ислам дининин тәлимләринә зиддир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Аjәтуллаһ Мәһәммәд Әли Мувәһһиди Кермани Теһранын буһәфтәки ҹүмә намазы хүтбәләриндә Әрәбистанын Јәмәнә гаршы һүҹумларынн давам етмәсиндән тәәссүфләнәрәк, деjиб: Али-Сәуд елә бир һалда өзүнә Шәриф Һәрәмләрин(Мәккә вә Мәдинә) хидмәтчиси адыны сечиб ки, индиjәдәк Јәмәндә өзүнүн jүзләрлә мүсәлман гардашыны гәтллә jетириб.
Аjәтуллаһ Мувәһһиди Кермани мүсәлман Јәмәнә тәҹавүзүн һеч бир мәнтиги дәлили олмадығыны билдирәрәк, деjиб: Јәмәндә 2500-дән чох инсанын ганынын төкүлмәси, мәктәблиләрин гырғын едилмәси вә jашаjыш массивләринин бомбаланмасы бәшәриjjәтә гаршы ҹинаjәтдир.
Теһранын ҹүмә намазы хәтиби вурғулаjыб: Бу ҝүн реҝиондакы диктаторларын Јәмән халгына гаршы төрәтдикләри бүтүн ҹинаjәтләр jалныз она ҝөрәдир ки, бу халг мүстәгил олмаг вә өз өлкәсинин талеjини өзү тәjин етмәк истәjир.
Аjәтуллаһ Мувәһһиди Кермани деjиб ки, Јәмән савашынын Али-Сәуд режими үчүн сон дәрәҹә пис нәтиҹәси олаҹаг вә Әрәбистана һаким кәсилмиш режими сүгут вә мәһвә jахынлашдырыр.
Теһранын ҹүмә намазы хәтиби сонра Ҹиддә һава лиманы мәмураларынын ики иранлы jениjетмәjә гаршы алчаг һәрәкәтинә тохунараг вурғулаjыб: Әрәбистан һөкумәти тез бир заманда хәта төрәдәнләри ҹәзаландырмалыдыр.
Аjәтуллаһ Мувәһһиди Кермани Иранын Ислами Мәдәниjjәт вә Иршад Назирлиjи тәрәфиндән үмрә һәҹҹинин даjандырылмасыны jеринә дүшмүш аддым адландырыб. О, деjиб: Иран халгы, Шәриф Һәрәмләрә бөjүк марағы олса да бу гәдәр зилләтә дөзмәjәҹәкдир.
Теһранын ҹүмә намазы хәтиби сонра Иран илә алтылыг арасындакы нүвә мүзакирәләри барәдә белә деjиб: Нә гәдәр ки, Америка өз өһдәлиjинә садиг галмаjыб вә нүвә мәсәләсинин һәллиндә өз хошмәрамлылығыны сүбут етмәjиб, Иран Ислам Республикасы һеч бир разылашманы имзаламаjаҹаг.
Теһранын ҹүмә намазы хәтиби Иран президентиндән нүвә мүзакирәләриндә гаршы тәрәфин тамаһкарлыглары гаршысында даjанмағы истәjәрәк, вурғулаjыб ки, Иран халгы һеч бир вәҹһлә әҹнәбиләрин онун мүдафиә вә тәһлүкәсизлик даирәсинә нүфуз етмәләринә иҹазә вермәjәҹәк.
Аjәтуллаһ Мувәһһиди Кермани иранлы мүзакирәчиләрә төвсиjә едиб ки, Теһранын хошмәрамлылығы барәдә дүзҝүн дәркә малик олараг, сәдагәтлә гәрар чыхарсынлар.
Теһранын ҹүмә намазы хәтиби һәмчинн деjиб ки, Ислам Ингилабынын Бөjүк Рәһбәринин гәтиjjәтли сөзләринә әсасән, бүтүн санксиjалар мүзакирәләр баша чатан ҝүн ләғв олунмалыдыр.
Диггәт: Хәбәрдән истифадә етдикдә мәнбәjә истинад лазымдыр