Рәсми Русија: С 300 ракетләри ИИР-а чатдырылаҹаг

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Лузаннада Иран Ислам Республикасынын 5 + 1 өлкәләри илә апардығы “Нүвә Данышыглары”нда әлдә олунан илкин гејд вә шәртсиз разылашмадан сонра Русија Федерал Республикасынын президенти Владимир Путин С 300 ракетләринин ИИР-а верилмәсини гадаған едән гәрары ләғв едиб.

Кремилин спикери вердији ачыгламасында билдириб: “Владимир Путин сәрәнҹам имзаламагла С 300 торпаг - һава ракетләринин Иран Ислам Республикасына көчүрүлмәсини мүмкүн етди.”
Путинин вердији сәрәнҹамдан сонра Русија Хариҹи Ишләр Назирлији бу барәдә бәјанат јајымлајыб вә Сергеј Лавров вурғулајыб: “Бу системләрин Иран Ислам Рспубликасына сатылмасы һәр бир башга өлкә үчүн тәһлүкә сајыла билмәз.”

Русија Мүдафиә Назирлији дә өз нөвбәсиндә билдириб ки, С 300 ракет системләри ән тез бир заманда Иран Ислам Республикасына чатдырылаҹаг.

Гејд едәк ки, С- 300 узун радиуслу зенит ракет системидир. С-300 зенит ракет системи (ЗРС) радиолокаторлу ахтарыш системинә малик идарәетмә мәркәзиндән, 6 зенит-ракет комплексиндән (ЗРК) ибарәтдир. 6 ЗРК-дан һәр бири адәтән онун јерләшдији һәрби һиссәнин табелијиндә олур. Идарәетмә мәркәзи һәдәфләрин ЗРК-лар арасында автоматик бөлүшдүрүлмәсинә хидмәт едир вә өз ракетләри олмур.

Ири сәнаје, һәрби вә инзибати објектләрин һава-космик зәрбәләриндән мүдафиәси үчүн тәтбиг олунур. Баллистик вә аеродинамик һәдәфләри вурмаг имканындаыр. Әввәлҹәдән координатлары мәлум олан јер үзәриндәки објектләри мәһв етмәк имканына маликдир. Илк чохканаллы зенит ракет сиистеми кими ејни заманда 6 һәдәфи изләјә вә онун һәр биринә 12 ракет тушлаја билир.

С-300 комплексләринин истеһсалына 1978-ҹи илдән башланыб. Бу ракетләр модификасијасындан асылы олараг һәдәфләри 47 км-дән 150 километрә гәдәр мәсафәдә вурма имканына маликдир. Комплексин һава објектләринин ашкар едилмәсинин узаглығы 120-дән 300 километрәдәкдир.



Диггәт: Хәбәрдән истифадә етдикдә мәнбәјә истинад лазымдыр