Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, «Әрәбистанын Јәмәнә тәҹавүзү бу өлкәнин бүтүн халгыны, о ҹүмләдән бүтүн күтлә, партиjа, групу һәдәфә алыб. Буна ҝөрә, халг Јәмәнә гаршы тәҹавүзләр вә ИШИД-лә мүбаризә апармаг үчүн сәфәрбәрлиjи давам етдирмәлидир».
Јәмән дин алимләри паjтахт Сәна шәһәриндә "Тәҹавүзләрә Гаршы Ҹәмиjjәтин Мәсулиjjәти" семинарында белә деjиб. Онлар халгдан бирлик вә һәмрәjлиjи ҝүҹләндирмәклә сәудиjjәлиләрин Јәмәнә һүҹумлары илә мүбаризәjә чағырыблар.
Геjд едәк ки, Јәмәнин һүгуги гурумлары өз нөвбәсиндә Әрәбистанын башчылыг етдиjи Әрәб Коалисиjасынын Јәмәнә гаршы тәҹавүзләри вә jол вердикләри ҹинаjәтләр барәдә беjнәлхалг Һаага мәһкәмәсинә шикаjәт едибләр.
Јәмән ингилабынын һүгуг мәсәләләри үзрә һеjәтинин рәиси Әбдүррәб Мүртәза деjиб ки, Һаага мәһкәмәси шикаjәти БМТ Тәһлүкәсизлик Шурасына ҝөндәрмәлидир: «Әҝәр, БМТ ТШ бизим шикаjәтимизи тәмин етмәзсә, бир ҝүн ҝүнаһсыз инсанларын ахыдылан ганы БМТ-нин әдаләтсиз структуруну дәjишмиш олаҹаг».
Хатырладаг ки, 26 марта кечән ҝеҹә Сәудиjjә Әрәбистаны вә Фарс Көрфәзинин өлкәләри Јәмәндә һәрби һава әмәлиjjатлара башлаjыб. Буна сәбәб кими Әбд Рәбб Мәнсур Һадинин Јәмәндә «гануни һакимиjjәти һусиләрдән горумаға» чағырышы олмушду.
Диггәт: Хәбәрдән истифадә етдикдә мәнбәjә истинад лазымдыр
Јәмән руһаниләриндән ҹиһада бәрабәр сәфәрбәрлик чағырышы
Јәмән руһаниләриндән ҹиһада бәрабәр сәфәрбәрлик чағырышы
10 aprel 2015 - 09:43
Xəbər kodu: 682491
«Әрәбистанын Јәмәнә тәҹавүзү бу өлкәнин бүтүн халгыны, о ҹүмләдән бүтүн күтлә, партиjа, групу һәдәфә алыб. Буна ҝөрә, халг Јәмәнә гаршы тәҹавүзләр вә ИШИД-лә мүбаризә апармаг үчүн сәфәрбәрлиjи давам етдирмәлидир».
