Суриjада террорчулары малиjjәләшдирән азәрбаjҹанлыны jахаланды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа Федерал Тәһлүкәсизлик хидмәти Суриjада террорчулары малиjjәләшдирән азәрбаjҹанлыны һәбс едиб. Бу барәдә "Коммерсант" гәзети мәлумат jаjыб.
Гәзетдә Суриjада һөкумәт әлеjһинә вурушан силаһлы үнсүрләрин малиjjәләшдирилмәси илә бағлы ҹинаjәт ишинин тәфәррүатлары барәдә дәрҹ олунан jазыда Федерал Тәһлүкәсизлик Хидмәтинин Липетск вилаjәти үзрә Идарәсинин jерли сакини, миллиjjәтҹә азәрбаjҹанлы Гачаj Тағы оғлу Һаҹыjевә гаршы "террорчуларын малиjjәләшдирилмәси" маддәси илә ҹинаjәт иши башладығы геjд олунуб.
Истинтагын версиjасына ҝөрә, Гачаj Һаҹыjев алма сатышындан әлдә етдиjи ҝәлири Суриjада вурушан "Ҹунд әш-Шам" террорчу груплашмасына ҝөндәриб.
Гачаj Һаҹыjев февралын 26-да ишдән евә автомобиллә гаjыдаркән ФТХ әмәлиjjатчылары тәрәфиндән сахланылыб. Даһа сонра әмәлиjjатчылар ону евинә ҝәтирибләр. Һаҹыjев сахланыландан 10 ҝүн сонра она гаршы рәсми иттиһам ирәли сүрүлүб. Онун һазырда Липетскдә jерләшән мүвәггәти сахланма тәҹридханасында сахланылдығы билдирилиб.
Истинтаг иддиа едир ки, Гачаjын газандығы пуллар Түркиjәjә, ордан исә Суриjадакы террорчулара ҝөндәрилиб. О, тәкҹә Суриjаjа деjил, Азәрбаjҹанда вә Русиjада jашаjан гоһумларына да пул ҝөндәрирди".
Кечән илин апрелиндә “Ҹунд-әш-Шам’’ силаһлы груплашмасынын тәркибиндә вурушан “Сумгаjыт ҹамааты”нын әмири, “Талыш Агил” ләгәбли Агил Һаҹыjевин иткин дүшдүjү барәдә мәлумат jаjылмышды. Мәлуматда Агил Һаҹыjевин “Әл-Нүсра Ҹәбһәси” силаһлы груплашма үзвләри тәрәфиндән тутулдуғу вә шәриәт ганунлары илә барәсиндә едам һөкмү чыхарылдығы геjд олунмушду. Онун агибәти мәлум деjил.
АПА мәлумат вериб ки, Һаҹыjев гардашлары Ләнкәран раjонунун Болади кәндиндә доғулублар. Сумгаjытда хәвариҹи дини тәригәтинин үзвү олан бир ханымла аилә гуран А. Һаҹыjев бир нечә ил әввәл аиләсини дә ҝөтүрәрәк Суриjаjа ҝедиб.
Диггәт: Хәбәрдән истифадә етдикдә мәнбәjә истинад лазымдыр