АБ рәһбәрләри Русиjа әлеjһинә санксиjаларын мүддәтини узатдылар

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБ рәһбәрләри Русиjа әлеjһинә санксиjаларын мүддәтини узатдылар
Авропа Бирлиjинин рәһбәрләри билдирибләр ки, Русиjа әлеjһинә тәтбиг олунан игтисади санксиjалар Украjна сүлһ анлашмасынын там шәкилдә иҹрасы заманына гәдәр өз гүввәсиндә галаҹагдыр.
Сәһәр Беjнәлхалг Телевизиjасынын Рөjтерс Информасиjа Аҝентлиjинә истинадла вердиjи мәлумата ҝөрә, Авропа Бирлиjинин рәһбәрләри ҹүмә ахшамы ҝүнү Брүсселдә кечирдикләри иҹласда разылыға ҝәлибләр ки, Русиjа әлеjһинә тәтбиг олунан игтисади санксиjалар давам етдирилсин.
Бу разылыг Русиjа әлеjһинә тәтбиг олунан санксиjалары лазым олдуғу һалда 2015-ҹи илин сонуна гәдәр узадаҹаг.
Авропа Бирлиjинин рәһбәрләри өтән феврал аjында Беларус паjтахты Минскдә Авропа Шурасынын рәһбәри Доналд Таскын тәгдим етдиjи вә Алманиjа канслери Анҝелла Меркел вә Франса президенти Франсуа Олландын дәстәкләдикләри сүлһ планыны һимаjә едибләр.
Иjул аjында ләғв олунаҹаг Русиjанын малиjjә, мүдафиә вә енержи секторларына тәтбиг едилән санксиjаларын мүддәтинин узадылмасы барәсиндә рәсми вә һүгуги гәрар Авропа Бирлиjинин дөвләт башчыларынын нөвбәти иҹласында чыхарылаҹаг.
Авропа Бирлиjи рәһбәрләринин бу разылығы jалныз игтисади санксиjалары нәзәрдә тутур. Лакин 2015-ҹи илин сонуна гәдәр бәзи санксиjалар, о ҹүмләдән Авропа Бирлиjиндә онларла Русиjа вә Украjна вәтәндашынын һесабларынын дондурулмасы вә виза гадағасы кими санксиjаларын ләғв едилмәсинә шамил олмур.
Диггәт: Хәбәрдән истифадә етдикдә мәнбәjә истинад лазымдыр