Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, пајтахт Траблос олмагла јанашы өлкәнин әксәр бөлҝәләринә нәзарәт едән Либија Милли Бирлијинә табе олан Фәҹр Силаһлы Гүввәләри илә мүхалифәт гүввәләр арасында Траблосун 700 км мәсафә аралығында јерләшән Бен Ҹәвад вә Сәдра шәһәрләриндә ҝедән гызғын дөјүшләрдә сакинләр Бен Ҹавад шәһәрини тәрк етмәк зорунда галыблар.
Бен Ҹавад шәһәринин мәсул шәхсләриндән бири олан Фазил Муһәммәд мәһз коалисија гүввәләринин шәһәри вә јашајыш мәркәзләрини ағыр бомбаран етдикдән сонра сакинләрин мәҹбури көч етдикләрини вурғулајараг билдириб: “Гәззафи тәрәфдарлары илә, мүхалифәт гүввәләри арасында ҝедән дөјүшләрдә һәр ики тәрәфин атдыглары ракет вә бомбалары ҝүнаһсыз вәтәндашларын үзәринә јағыр. Дурумун белә давам етмәси бир фаҹиәдир...”
Фазил Муһәммәд даһа сонра ИШИД террор груплашмасынын Либијада тәблиғ едилмәси вә активләшмәсиндән хәбәр верәрәк билдириб: “Бүтүн бу тәблиғатлар Гәрб вә НАТО гуру гүввәләринин Либијаја сохулмасы үчүн бир зәминә јарадыр. Әҝәр Милли Коалисија илә сүлһ мүгавиләси бағланарса бу тәблиғатлара һеч бир еһтијаҹ јохдур.”
Диггәт: Хәбәрдән истифадә етдикдә мәнбәјә истинад лазымдыр
