Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Силаһлы Гүввәләри Көнүллү Дәстәләрин көмәклији илә, бир һәфтә давам едән гызғын дөјүшләрдән сонра Тәкритин дарвазаларына јахынлашыб.
Ираг күтләви информасија васитәләринин билдирдијинә ҝөрә, артыг Ираг Һизбуллаһ Гүввәләри Сәлаһәд Дин әјаләтинин Мукејшифә шәһәрини азад едәрәк, Әл Елм вә Әлбу Уҹејл шәһәрләрини дә тамамилә мүһасирәјә алыб.
Мукејшифә шәһәринин азад едилмәси илә, Самирра шәһәринин Ирагын шимал мәнтәгәсинә чыхыш јолу там тәһлүкәсиз олуб. Әл Елм вә Әлбу Уҹејл шәһәрләринин исә дөрд тәрәфдән мүһасирәјә алынмасы илә, јүзләрлә ганичән сәләфи чыхылмаз тәләјә дүшүбләр.
Мүһасирәјә алынмыш Тәкрит шәһәриндән исә, ҝәлән хәбәрләрдә дејилир ки, террорчулар Ираг Силаһлы Гүввәләринин ирәлиләјишләринин гаршысыны алмаг үчүн сивил вәтәндашлардан ҹанлы галхан кими истифадә едирләр. Буна ҝөрә дә, Ираг Милли Ордусу вәтәндашларын һәјатларыны азад етмәк мәгсәди илә, артыг әмәлијјатлара башлајыб.
Реутерс Аҝентлијинин Сәлаһәд Дин әмәлијјаты һагда вердији мәлуматда белә билдирилиб: “Дөјүш мејданында Тәкрит әмәлијјатынын әсас дәстәкчиси мәһз Теһран ҝенераллары вә Иран Ислам Республикасынын дәстәк вердији Ираг Көнүллү Дәстәләридир.”
Диггәт: Хәбәрдән истифадә етдикдә мәнбәјә истинад лазымдыр
