Пишмерге силаһлылары Ираг Шиәләри илә әмәкдашлыға сон гојмаг нијјәтиндәдирләр?

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагда азғын ИШИД әлејһинә мүбаризәдә Көнүллү Дәстәләр ҝүн бә ҝүн ардыҹыл налијјәтләр әлдә едәрәк сәләфи ҹинајәткарларыны ишғал етдикләри әразиәрдән ҝери чәкилмәјә мәҹбур едирләр. Лакин белә бир севиндириҹи хәбәрләрин ешидилән вахтында Күрд Пишмәргә силаһлы дәстәләрин командири тәҹүбләндириҹи бир ачыглама верәрәк, халг күтләсиндән ибарәт Көнүллү Дәстәләр вә Ираг Шиәләринин Силаһлы Гүввәләри илә бирликдә ИШИД азғынларына гаршы апардыглары мүбаризәјә сон гојдуғуну билдирәрәк елан едиб ки, биз онлара Күрд Силаһлылары илә бирликдә мүбаризә апармаға иҹазә вермирик.

Күрд Пишмәрҝә силаһлы дәстәләрин командири Кәмал Кәркүки “Рудава” Күрд медиасына вердији мүсаһибәсиндә билдириб: “Һазырда Һувејҹә мәнтәгәсини ИШИД-ин әлиндән азад етмәк мәрһәләсиндәјик. Бу бөлҝә даим Күрдүстан торпагларынын бир һиссәси олуб (!). Буна ҝөрә дә, Шиәләр Һувејҹә бөлҝәсинин ҹәнубунда ИШИД-ә гаршы нәгәдәр мүбаризә апармаг истәјирләр апарсынлар. Лакин бу мәнтәгәдә онлара ИШИД-ә гаршы мүбаризә апармаг имканы верилмәјәҹәк. (!)”

О, даһа сонра дејиб: “Һәмчинин гејд етмәлијәм ки, вәзијјәт дүзәлдикҹә вә ИШИД-ин мәнтәгәдән ҝери чәкилдијиндән сонра Шиәләр дә, ҝери чәкилмәли вә торпагларымызы (!) јаваш јаваш тәрк етмәлидирләр.”

Гејд едәк ки, Кәркүк әјаләти әзәлдән Ираг Азәриләринин (Шиәләринин) мәканы олмушдур. Јахын ҝүнләрдә бәзи хәбәр аҝентликләри Ираг Күрдүстанынын ИШИД мәсәләсиндән суистифадә едәрәк Ираг торпагларынын даһа чох һиссәсини зәбт етмәк нијјәтиндә олдуғуну вә сонда Бағдаддан ајрылараг “мүстәгил” бир дөвләт гураҹағыны билдирмишдир.

Күрд Пишмәргә дәстәләринин командири Кәмалын белә бир ачглама вермәси гејд олунан хәбәрин дүрүстлүјүнү бир даһа артырыр.



Диггәт: Хәбәрдән истифадә етдикдә мәнбәјә истинад лазымдыр