Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мәркәзи Африканын гәрбиндә јерләшән Камерун Республикасынын вәтәндашлары сәләфиәгидәли ганичән “Боко Һарам” террорчу груплашмаја гаршы 15 мин нәфәрлик етираз аксијасы тәшкил едиб.
28 Феврал 2015 тарихдә, өлкәнин шималында, Пајтахт Јаунде-дә кечирилән ҝенишмигјаслы митинг полис вә тәһлүкәсизлик гүввәләринин мүшаијјәти илә кечирилиб.
"Камерун үчүн Иттифаг" Коалисијанын үзвү вә ејни заманда журналистика саһәсиндә фәалијјәт ҝөстәрән Ерик Бенјамин Ламр гејд едиб ки, бу митинг Камерунун шимал мәнтәгәсиндә јашајан халгларла һәмрәјлик вә террор груплашмалары әлејһинә әмәлијјатлар апаран Камерун һәрбичиләринә дәстәк үчүн тәшкил олунуб.
Гејд едәк ки, бу ҝүн сәләфиләр әлејһинә кечирилән митингдә Камерунун бир чох назирләри о ҹүмләдән Камерун Мүдафиә Назири, Рабитә назири, Әмәк назири вә диҝәр танынмыш сијаси чеһрәләр јахындан иштирак едибләр.
Митинг иштиракчылары әлләриндә Камерун, ЧАД вә Ниҝерија дөвләтләринин бајрагларыны далғаландырыблар.
Хатырладаг ки, ЧАД һәрби гүввәләри бир ај јарымдыр ки, сәләфи азғынлары илә мүбаризәдә Камерун дөвләти илә әмәкдашлыг едир вә анти-террор әмәлијјатларда јахындан иштирак едирләр.
Диггәт: Хәбәрдән истифадә етдикдә мәнбәјә истинад лазымдыр
