Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ермәниләрин Азәрбаjҹанын Хоҹалы шәһәриндә соjгырымы төрәтмәсиндән 23 ил өтүр Соjгырымы акты нәтиҹәсиндә 613 Хоҹалы сакини гәтлә jетирилиб, 487 нәфәр, о ҹүмләдән 76 ушаг jараланыб, 1275 нәфәр әсир ҝөтүрүлүб
1992-ҹи ил февралын 25-дән 26-на кечән ҝеҹә ермәни һәрби бирләшмәләри Русиjанын 366-ҹы мотоатыҹы алаjынын көмәjи илә Хоҹалы шәһәрини ишғал едәрәк, бурада jашаjан динҹ әһалиjә - азәрбаjҹанлылара гаршы соjгырымы төрәдиб.
Ермәни силаһлы бирләшмәләри ССРИ дөврүндән Ханкәнди шәһәриндә дислокасиjа олунмуш 366-ҹы мотоатыҹы алаjынын зиреһли техникасы вә һәрби һеjәтинин көмәклиjи илә 1992-ҹи ил февралын 25-дә Хоҹалы шәһәринә һүҹума кечиб. Мүһасирәjә алынан шәһәрин 2500 сакини хилас олмаг үчүн Ағдам истигамәтиндә һәрәкәт едиб. Лакин пусгуда даjанан ермәниләр динҹ сакинләри ҝүлләбаран едибләр. Әсрин фаҹиәси олан Хоҹалы соjгырымы нәтиҹәсиндә 63-ү ушаг, 106-сы гадын, 70-и гоҹа вә гары олмагла, 613 Хоҹалы сакини гәтлә jетирилиб, 8 аилә тамамилә мәһв едилиб, 25 ушаг һәр ики валидеjнини, 130 ушаг валидеjнләриндән бирини итириб. Дүшмән ҝүлләсиндән 76-сы ушаг олмагла, 487 нәфәр jараланыб. 1275 нәфәр әсир ҝөтүрүлүб. Ҝиров ҝөтүрүләнләрдән 150 нәфәринин, о ҹүмләдән 68 гадын вә 26 ушағын талеjи бу ҝүнәдәк мәлум деjил.
Рәсми һесабламалара ҝөрә, ганунсуз ермәни силаһлы бирләшмәләри тәрәфиндән Хоҹалы шәһәринин ишғал едилмәси илә әлагәдар дөвләт әмлакынын вә хүсуси мүлкиjjәтдә олан әмлакын мәһв едилмәси, талан едилмәси илә бағлы Азәрбаjҹан дөвләтинә вә вәтәндашларына 140 милjон манатдан (тәхминән 170 милjон АБШ доллары) артыг зиjан вурулуб.
Хоҹалы соjгырымынын илдөнүмү һәр ил Азәрбаjҹан вә дүнjанын бир чох өлкәләриндә һүзнлә геjд олунур. Азәрбаjҹан сәфирликләри вә диаспор тәшкилатлары һәр ил февралын 26-да фәалиjjәт ҝөстәрдикләри өлкәләрдә аным мәрасимләри тәшкил едир, конфранслар кечирирләр. Бу тәдбирләрдә ермәниләрин Хоҹалыда төрәтдикләри вәһшиликләри әкс етдирән фото-стендләр, сәнәдли филмләр нүмаjиш олунур, соjгырымы һәгигәтләрини әкс етдирән китаблар сәрҝиләнир.
2009-ҹу илин февралындан исә Ислам Конфрансы Тәшкилаты Ҝәнҹләр Форумунун (ИКҜФ) Мәдәниjjәтләрарасы Диалог үзрә баш координатору Леjла Әлиjеванын тәшәббүсү илә “Хоҹалыjа Әдаләт” кампаниjасы кечирилир. Кампаниjанын мәгсәди беjнәлхалг иҹтимаиjjәтин Хоҹалы фаҹиәси илә бағлы мәлуматландырылмасы, фаҹиәjә беjнәлхалг аләмдә мәнәви-сиjаси гиjмәт верилмәси вә беjнәлхалг сәвиjjәдә анылмасыны тәмин етмәкдир. Кампаниjанын беjнәлхалг әлагәләндирилмәси www.жустиҹефоркһожалj.орҝ саjты васитәсилә апарылыр.
Диггәт: Хәбәрдән истифадә етдикдә мәнбәjә истинад лазымдыр
