"Бесәт" суалты гаjығы, ракет тулламаг габилиjjәтинә маликдир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Бесәт" суалты гаjығы, ракет тулламаг габилиjjәтинә маликдир
1300 тон чәкиjә малик олан "Бесәт" суалты гаjығы, Иранын истеһсал етдиjи "Фатеһ" вә "Тариг" ҝәмиләри арасындакы орта ренҹдә олан ҝәмидир.
Сәһәр Беjнәлхалг Телевизиjа каналынын вердиjи мәлумата ҝөрә, Фарс мүдафиә-тәһлүкәсизлик групу бир һесабат jаjараг билдириб ки, ағыр суалты ҝәмиләрин истеһсалы илә Иран Ислам Республикасынын суларыны мүһафизә габилиjjәтинин ҝүҹләндирилмәсинә дуjулан еһтиjаҹ әсасында "Бесәт суалты гаjығынын лаjиһәләшдирилмәси вә истеһсалы ҝүндәмә ҝәтирилди вә беләликлә Иранын ағыр суалты гаjыглар истеһсал едән өлкәләр сырасына дахил едилмәси планлашдырылды. "Бесәт суалты гаjығынын илкин лаjиһәләшдирмә әмәлиjjатында онун узунлуғу 60 метр, әмәлиjjат дәринлиjи 300 метр, ракет туллама базасы 6 әдәд вә мина jерләшдирмә габлиjjәтинин олмасы нәзәрдә тутулуб. "Бесәт" суалты гаjығы Круз типли дәниз ракетләрини тулламаг габилиjjәтинә дә малик олаҹагдыр, һансы ки, Иран бу ракетләрин мүхтәлиф нөвләрини истеһсал едиб ки, онлара 120 км-лик "Нур" вә 200 км-лик "Гадир" ракетләрини нүмунә ҝөстәрмәк олар. Су үзәриндә 12 Нат вә суjун алтында 20 нат сүрәтә малик олан "Бесәт" суалты гаjығы ҝәләҹәкдә Иран Ислам Республикасынын өз сулары вә беjнәлхалг сулардакы габилиjjәтләрини тәкмилләшдирәҹәк.
Диггәт: Хәбәрдән истифадә етдикдә мәнбәjә истинад лазымдыр