Түркиjәдән гачырылан 5 мин автомобил ИШИД террорчуларына сатылыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Автомобил гачагмалчылығы илә мәшғул оланлар Түркиjәдән Суриjаjа 5 мин автомобил кечириб ИШИД террорчуларына сатыблар
Түркиjә әразисиндән гачырыларан 5 мин автомобил Суриjада фәалиjjәт ҝөстәрән ИШИД террорчуларына  сатылыб. Автомобил гачагмалчылары шәбәкәси Түркиjәдән сахта нөмрә вә геjдиjjат сәнәдләри илә гачырдыглары автомобилләри Түркиjә-Суриjа сәрһәддини кечәрәк ИШИД террорчуларына сатыб.
Түркиjә Автомобил Иҹарәси Бирлиjинин мәлуматына әсасән, сахта сәнәдләрлә автомобил кираjә ҝөтүрәнләрин артыг "гара сиjаһы"сыда һазырланыб. Һазырланан сиjаһыда 2000 нәфәрин ады геjд олунуб. Автомобили иҹарәjә ҝөтүрмәк проседуру асан олдуғундан ҹинаjәкткар шәбәкә бундан мәһарәтлә истифадә едәрәк, 5 миндән артыг автомобили гачагмалчылыг jолу илә Суриjа әразисинә кечириб. Тәкҹә Анталjа әразисиндән 200 автомобил  гачырылараг 4,5 милjон доллар мәбләғиндә саһибкарлара вә вәтәндашлара мадди зәрәр вуруб. Ән чох автомобил гачырылан шәһәр исә Конjа олуб. Белә ки, Конjа шәһәриндән гачырылан автомобилләрә ҜПС пеjк изләмә ҹиһазларынын гурашдырылмасына бахмаjараг, автомобил гачагмалчылары автомобилләри сәрһәддән кечирмәjә наил олублар. Гачырылан автомобилләр чох уҹуз гиjмәтә террорчулара сатылыб.
Геjд едәк ки, Түркиjә-Суриjа сәрһәддинин әксәр һиссәләриндә автомобилләрә бахыш проседуру чох примитив кечирилир вә jахуд һеч кечирилмир. Бундан истифадә едән ҹинаjәткарлар вә террорчулар Түркиjәдән Суриjаjа сәрбәст шәкилдә һәрәкәт едә билирләр.
Диггәт: Хәбәрдән истифадә етдикдә мәнбәjә истинад лазымдыр