Өтән ил Ираг әразисиндә 12 миндән чох адам гәтлә jетирилиб.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагда өтән ил өлдүрләнләрин саjы ачыгланды
Өтән ил Ираг әразисиндә 12 миндән чох адам гәтлә jетирилиб.
Бу барәдә Ирага jардым ҝөстәрилмәси үзрә БМТ миссиjасынын һесабатында билдирилир. Һесабата әсасән, бу мүддәт әрзиндә Ирагда 12 мин 283 адам зоракылығын гурбаны олуб, 23 миндән чох адам jараланыб. Бу, сон беш илдә геjдә алынан ән чохсаjлы инсан тәләфатыдыр.
БМТ миссиjасынын башчысы Николаj Младенов билдириб ки, Ирагын динҹ сакинләри 2014-ҹү илдә дә зоракылыг вә терроризмдән әзиjjәт чәкибләр. Гурбанларын саjы Ираг вә Шам Ислам дөвләти адландырылан террорчу груплашманын вә онунла әлагәдар һәрәкатларын бу өлкәдә төрәтдикләри зоракылыг һалларынын чохалмасы сәбәбиндән артыб.
Миссиjа тәкидлә бүтүн тәрәфләри беjнәлхалг һүгуга һөрмәтлә jанашмаға чағырыб.
Геjд едәк ки, тәкҹә декабр аjында Ирагда 1101 адам гәтлә jетирилиб, 1868 нәфәр jараланыб.
Диггәт: Хәбәрдән истифадә етдикдә мәнбәjә истинад лазымдыр