Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сомалинин мәркәзиндә террор һадисәси гејдә алыныб.
Галк Кајо шәһәриндә баш верән һадисә заманы азы бир нәфәр һәлак олмуш ики нәфәр исә мүхтәлиф дәрәҹәли бәдән хәсарәтләри алараг ағыр јараланмышдыр.
Јерли рәсмиләрин билдирдијинә ҝөрә, Галк Кају шәһәринин базар истигамәтинә доғру һәрәкәт едән машында мүәллимләр олуб. Машын баш верән партлајышда јарарсыз вәзијјәтә дүшәрәк бир нәфәрин өлүмүнә вә даһа бир нечә нәфәрин хәсарәт алараг јараланмасына сәбәб олуб. Јаралылар хәстәханаја јерләшдирилибләр.
Һадисә заманы хәсарәт аланлардан ики нәфәрин дуруму олдугҹа ағыр олдуғу елан едилиб.
Һәләлик террор һадисәсини һеч бир груп вә ја ҹәрәјан өһдәсинә ҝөтүрмәјиб. Лакин буна бахмајараг һадисәнин вәһһабијөнлү “Әл Шәбаб” террорчуларын һәјата кечиртдикләри вурғуланыр.
Гејд едәк ки, сәләфи әгидәли “Әл Шәбаб” террор груплашмасы Сомалидә мүәллимләрә гаршы дәфәләрлә террор актлары һәјата кечириб вә онларла мүәллимин һәлак олмасына сәбәб олуб. Халг “Әл Шәбаб”ы мүәллимлрин гатили кими таныјыр.
Диггәт: Хәбәрдән истифадә етдикдә мәнбәјә истинад лазымдыр
