Ирагдан сон хәбәр: "Мухтар Ордусу"нун рәһбәри автомобилиндә партладылды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг Һизбуллаһ"ы кими адландырылан "Мухтар ордусу"нун рәһбәри террор нәтиҹәсиндә һәjатыны итирди
Хәбәрә ҝөрә, "Мухтар ордусу" адлы силаһлы тәшкилат jарадан сеjид Вәсаг Бәттат бир нечә саат әввәл Ирагын Диjалә бөлҝәсиндә өз автомобилинә гоjулмуш партлаjыҹы гурғунун ишә дүшмәси нәтиҹәсиндә һәjатыны итириб.
Суи гәсд һагда Ирагын һүгуг мүһафизә органлары ачыглама верибләр.
Хәбәрлә бағлы әлавә мәлумат верилмир.
Геjд едәк ки, "Мухтар ордусу" адлы силаһлы тәшкилат jарадан сеjид Вәсаг Бәттат Ираг һөкүмәти илә дә, бәзи проблемләри олмуш, бир нечә дәфә һәбс едилмишди. Азад едилдикдән сонра исә, Бәттат Кувеjт вә Сәудиjjә Әрәбистаныны дәфәләрлә һәдәләмишди. Һәтта медиада онун тәрәфдарларынын Сәудиjjә Әрәбистанына минаатанлардан атәш ачмасыjла бағлы хәбәрләр дә jаjылмышды. Бунунла бағлы сосиал медиада ИШИД адындан гыса ачыглама jаjылараг бу суи-гәсдин мәһз ИШИД-ин һәjата кечирдиjи геjд едилиб. Ираг һүгуг мүһафизә органлары террорун ИШИД тәрәфиндән һәjата кечирилдиjини тәсдигләмәjиб.
Диггәт: Хәбәрдән истифадә етдикдә мәнбәjә истинад лазымдыр