Гарачухур мәсҹидини jандыран азәрбаjҹанлы ПКК симпатизанларынын истинтагы давам едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гарачухур мәсҹидини jандыран азәрбаjҹанлы ПКК симпатизанларынын истинтагы давам едир.
Бакыда Мәсҹидә од вуран ПКК-чылардан хәбәр вар
вәһһабиләрин ҝетдиjи мәсҹиди jандыран Намиг Нәсибов вә Елнур Әләкбәровдан әлавә диндириләнләр олуб.
ПКК-нын Бакыдакы “Јекбун” адлы ганадыны тәсис едән тәшкилат үзвләри бир-бир истинтага чағырылыр, ифадәси алыныр. Мәнбәнин сөзләринә ҝөрә, “Јекбун”а бағлы башга радикалларын да һәбси истисна едилмир.
Кечирилән әмәлиjjатда даһа 7 нәфәр сахланылыб. Анҹаг бу хәбәр рәсми шәкилдә тәсдигләнмәjиб. Бунунла белә, апарылан әмәлиjjат-ахтарыш тәдбирләри давам едир вә ПКК-нын Азәрбаjҹанда олан диҝәр тәрәфдарларынын да зәрәрсизләшдирилмәси истигамәтиндә зәрури тәдбирләр ҝөрүлүр.
Јада салаг ки, Бакыда Гарачухур мәсҹидини jандыранларын өлкәмиздәки Ираг сәфирлиjи гаршысында етираз аксиjалары кечирмәк планы олуб. Онлар бу аксиjаларда гарышыглыг салмағы нәзәрдә тутублар. Бунунла һәм диггәти ИШИД проблеминә jөнәлтмәк, һәм дә мәсҹиддә хәвариҹләрин олдуғуна ишарә вермәк истәjибләр.
Онлар бу аксиjалары тәшкил етмәздән әввәл Гарачухур мәсҹидини jандырмаг, диггәти jаjындырмаг планы ҹызыблар. “Јекбун”чулар мәсҹиди jандырмагла ибадәт евиндә ИШИД тәрәфдары олан гүввәләрин намаза ҝәлдиjини нәзәрә чатдырмаг истәjибләр.
Хатырладаг ки, Милли Тәһлүкәсизлик Назирлиjи тәрәфиндән кечирилмиш анти-террор тәдбирләри нәтиҹәсиндә Гарачухур мәсҹидини jандыран Намиг Нәсибовун үзәриндән “Макаров” типли тапанча вә 8 әдәд 9 мм чаплы патрон, Елнур Әләкбәровун исә үзәриндән “Смит-Вессон” маркалы револвер ашкар едиләрәк ҝөтүрүлүб. Мүәjjән едилиб ки, Намиг Нәсибов 2014-ҹү илин август-сентjабр аjларында ПКК террорчу тәшкилатынын нәзарәтиндә олан Суриjа Әрәб Республикасынын әразиләринә ҝедәрәк орадакы дөjүшләрдә иштирак едиб.
Диггәт: Хәбәрдән истифадә етдикдә мәнбәjә истинад лазымдыр