Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Бу ҝүн Ромада Русиjанын хариҹи ишләр назири Серҝеj Лавров Америкалы һәмкары Ҹон Керри илә ҝөрүшәҹәк
Бу барәдә Русиjанын хариҹи ишләр назиринин мүавини Серҝеj Рjабков билдириб. Онун сөзләринә ҝөрә, ҝөрүшдә Украjнанын шәргиндә jаранмыш вәзиjjәти мүзакирә едәҹәкләр. О ҹүмләдән данышыгларда АБШ Конгресинин Украjнаjа дәстәк акты илә бағлы мәсәләнин галдырылаҹағыны ҝүман едилир.
"Москва һәмин акты Русиjа әлеjһинә нөвбәти әһвал-руһиjjә тәзаһүрү кими ҝөрүр",- Русиjа дипломаты деjиб. О геjд едиб ки, Вашингтонун Москваjа гаршы jени санксиjалар елан етдиjи тәгдирдә Русиjа ҹаваб аддымлар атаҹаг.
Геjд едәк ки, өтән һәфтә АБШ президенти Русиjаjа гаршы санксиjалар мәсәләсиндә тәләсмәмәjи төвсиjә едиб. Бараҹк Обама деjиб ки, Авропа илә АБШ-ын узун мүддәт әрзиндә еjни мөвгедән чыхыш етмәси Путини стратежи гәрар гәбул етмәjә вадар едә биләр.
АБШ вә АИ март аjында Крымын илһагындан сонра Русиjаjа гаршы санксиjалар елан едибләр.
Нөвбәти санксиjалар пакети Украjнанын шәргиндәки мүнагишәдә Москванын ролу илә бағлы гәбул олунуб. Русиjа һакимиjjәти исә Донбас бөлҝәсиндә сепаратчылара билаваситә дәстәк етдиjи барәдә иттиһамлары дәфәрләрә рәдд едиб.
Диггәт: Хәбәрдән истифадә етдикдә мәнбәjә истинад лазымдыр
14 dekabr 2014 - 03:04
Xəbər kodu: 658060
Бу ҝүн Ромада Русиjанын хариҹи ишләр назири Серҝеj Лавров Америкалы һәмкары Ҹон Керри илә ҝөрүшәҹәк.
