Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Нардаран сакинләри етираза галхды: Газ, ишыг jохдур
«Бизим кәндә ишыг вермирләр, газ jохдур. Бу гышын соjуғунда евләримизи исидә билмирик. Данышыглар да нәтиҹә вермәjәндән сонра кәнд ҹамааты етираз аксиjасы кечирди».
Буну "Азадлыг" радиосуна Нардаран кәнд сакини Һаҹы Натиг Кәримов деjиб.
Декабрын 8-дә Нардаран кәнд сакинләри мәркәзи меjданда етираз аксиjасы кечириб. Онлар кәнддә коммунал проблемләрә, өзәлликлә сон ҝүнләр електрик енержисинин фасиләләрлә верилмәсинә диггәт чәкибләр. Натиг Кәримов билдириб ки, сон 2 ҝүндә ишыг проблеми һәлл олунуб: «Азы бир һәфтәдир кәндин ишыгларыны кәсибләр. Суткада 6-7 саат фасиләләрлә ишыг верилир. Галан вахтлар ишыглары кәсирләр. Амма кәндәки бош виллаларда чыл-чыраглар jаныр. Бизим етираз аксиjасындан сонра һәлә ки, бүтүн ҝүн ишыглар верилир. Биз дә чалышаҹаjыг имканымыз дахилиндә електрик енержи һаггыны өдәjәк».
Кәндлиләрин һәм електрик, һәм дә газа хеjли борҹлары вар. Н. Кәримов деjир ки, газ идарәси илә данышыг апарыблар, кәнд мәһәллә-мәһәллә газла тәмин едилир: «Дүздүр, мәним jашадығым мәһәлләдә һәлә газ jохдур. Амма диҝәр мәһәлләләр гисмән газла тәмин олунур. Әсас проблем ишлизликдир. Ҝәнҹләримиз әли ҹибиндә бош-бекар ҝәзирләр. Биз бу һагда азы 10 илдир данышырыг. Јенә әввәлләр кәндлиләр Русиjаjа, Түркиjәjә алверә ҝедирдиләр. Инди вәзиjjәт писдир. Кәнддә дә су верилмир ки, ҹамаат әкин-бичинлә мәшғул олсун. Бизим әһалинин сосиал дуруму чох писдир. Вәзиjjәт һеч jахшы деjил. Әҝәр ҹамаат һардаса ишләсәjди коммунал хәрҹләрини дә өдәjәрди. Јохса, бизә һансыса ҝүзәшт олунмаса биз борҹумузу өдәjә билмәрик».
Он минә гәдәр сакини олан Нардаранда 1500-дән чох абонент вар. Онларын да һардаса 500 абоненти интернетдән истифадә едир.
Диггәт: Хәбәрдән истифадә етдикдә мәнбәjә истинад лазымдыр
11 dekabr 2014 - 04:19
Xəbər kodu: 657434
«Бизим кәндә ишыг вермирләр, газ jохдур. Бу гышын соjуғунда евләримизи исидә билмирик. Данышыглар да нәтиҹә вермәjәндән сонра кәнд ҹамааты етираз аксиjасы кечирди».
