Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, интерпол Јусиф Гәрзавини ахтарыша вериб.
Бу һагда билдириш јајымлајан бејнәлхалг полис гүввәләри билдирибләр: “Мисир дөвләтинин ардыҹыл тәләбләринә мүвафиг олараг, Јусиф Гәрзавијә вурулан иттиһамлары нәзәрә алмагла интерполун рәсми сајтында барәсиндә ахтарыш ҝөстәриши верилиб.”
Һал һазырда Гәтәрдә јашајан Јусиф Гәрзави сәләфиәгидәли “Мүсәлман Гардашлары” адлы тәшкилатын танынмыш әзаларындан бири вә ејни заманда “Ислам Дүнјасынын Алимләри Иттифагы”нын сәдридир.
Итерпол Ј. Гәрзавинин Гәтәр вә Мисир паспортларынын шәклини рәсми сајтда дәрҹ едәрәк барәсиндә ахтарыш әмрин вериб.
Онун барәсиндә Мисир һөкүмәти бир сыра һәгиги иттиһамлары, о ҹүмләдән инсанлары үсјана дәвәт етмәк, ҝүнаһсыз инсанлары гәтлә јетирмәк, ҹәзачәкмә мүәссәләриндә һәбс ҹәзасы чәкән ҹинајәткарларын зинданлардан гачмасы планын һәјата кечиртмәкдә фәалијјәт ҝөстәрмәк, вәтәндашлара үмуми вә дөвләт әмлакларыны дағытмагда рәһбәрлик етмәк, дөвләт әмлакларыны јандырмагда башчылыг етмәк кими бир чох ҹинајәт актлары ирәли сүрүлүб.
Мисир дөвләти иддиа едир ки, Ј. Гәрзави барәсиндә ирәли сүрүлән бүтүн иттиһамлары гәтијјәтлә сүбута јетирәҹәкдир.
Интерпол Ј. Гәрзавинин кимлијини ачыглајан сәнәдләрин шәклини сајтда јајымламагла јанашы онун һарада ҝизләндијиндән хәбәрдар олан һәр бир шәхсдән полисә хәбәр етмәкләрини истәјиб.
Һәмчинин интерпол Мисир дөвләтинин хаһишини нәзәрә алараг сәләфиәгидәли “Мүсәлман Гардашлары” адлы тәшкилатын 42 ҹинајәткар үнсүрүнүн адларыны да, бејнәлхалг ахтарышда оланларын сијаһысына дахли едиб.
Диггәт: Хәбәрдән истифадә етдикдә мәнбәјә истинад лазымдыр
