“Украjна ордусу мүмкүн таммигjаслы мүһарибәjә һазырлашмагда давам едир”.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Украjна ордусу мүһарибәjә һазырлашыр
“Украjна ордусу мүмкүн таммигjаслы мүһарибәjә һазырлашмагда давам едир”.
бу барәдә Украjна Милли Тәһлүкәсизлик вә Мүдафиә Шурасынын информасиjа-аналитик мәркәзинин рәһбәри Андреj Лысенко Киjевдә кечирдиjи брифингдә билдириб.
Журналистин “Русиjа илә таммигjаслы мүһарибә мүмкүндүрмү” суалына ҹаваб олараг А.Лысенко геjд едиб ки, Украjна һәрбчиләри вәзиjjәтин истәнилән инкишафына, һәмчинин тәҹавүзә һазыр олмалыдыр: “Бунун үчүн артыг мүдафиәнин биринҹи хәтти һазырланыб. Һәрби бөлмәләримиз ҝүҹләндирилиб вә мүдафиәнин әлавә техники васитәләри консервасиjадан чыхарылыб. Инсанларын әлавә бөлмәләри һазырда актив еһтиjатдадыр вә истәнилән истигамәтдә ирәли һәрәкәт етмәjә һазырдыр”.
Геjд едәк ки, Украjна президенти Пjотр Порошенко да Алманиjанын “Билд” нәшринә мүсаһибәсиндә Украjна ән пис ссенариләрә, һәмчинин Русиjа илә мүһарибәjә һазыр олдуғуну деjиб.
Дөвләт башчысы Украjна ордусунун беш аj әввәлки илә мүгаjисәдә әһәмиjjәтли дәрәҹәдә jахшы вәзиjjәтдә олдуғуну деjиб: “Бундан башга, бүтүн дүнjа бизи дәстәкләjир. Бизим әсҝәрләримиз ҝөстәрдиләр ки, өз өлкәсини горумағы баҹарырлар. Украjна jалныз сүлһ истәjир, амма тәәссүф ки, ән пис ссенариләрә бахмаға мәҹбуруг. Мәним өлкәмдә минләрлә Русиjа һәрбчиси, jүзләрлә танкы вә ағыр артиллериjа системи вар. Дүнjанын ән бөjүк ордулардан бири бизи вә бүтүн Авропаны һәдәләjир”.
Диггәт: Хәбәрдән истифадә етдикдә мәнбәjә истинад лазымдыр