Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гәрби Авропада Ебола вирусу илә јанашы даһа бир епидемија һәјәҹаны јашаныр. Леҝионелјоз адлы бу хәстәлик пневманијанын ағырлашмыш формасыдыр. Бу хәстәликдән артыг 4 нәфәрин өлдүјү, 100-дән чох инсанын хәстәханаја јерләшдирилдији хәбәри верилир.
Гејд едәк ки, Азәрбајҹандан Авропаја ҝедиш-ҝәлиш интенсив олдуғундан, јајылан бу вирусун өлкәмизә кечмә тәһлүкәси дә реалдыр. Азәрбајҹан Сәһијјә Назирлијиндән исә һәләки Үмүмдүнја Сәһијјә Тәшкилатынын бу барәдә Азәрбајҹана хәбәрдарлыг етмәдијини билдирибләр.
Назирлијин мәтбуат хидмәтинин рәһбәри Анар Гәдирли дејиб ки, Азәрбајҹанда Сәһијјә Назирлијинин компјутер системи ҮСТ-үн системинә гошулуду: " ҮСТ-дән һәр һансы хәбәрдарлыг сигналы етдикдә, Азәрбајҹан Сәһијјә Назирлији бундан хәбәр тутур вә ҮСТ-үн төвсијјәсинә әсасән аддым атылыр. Һәләки ҮСТ-дән бу вирусла бағлы нараһатчылығы ифадә едән төвсијә верилмәјиб. Дүнја Сәһијјә Тәшкилаты тәрәфиндән һәр һансы хәстәликлә бағлы сәрһәдләри бағламаг лазым олдуғу билдирилдикдә, бу аддым атыла биләр”.
Амма бунунла белә, А. Гәдирли Азәрбајҹанда Сәһијјә Назирлијинин өлкәмизә һәр һансы тәһлүкәли вирусун дахил олмасынын гаршысыны алмаг үчүн тәдбирли олдуғуну билдириб”.
Хатырладаг ки, Португалијанын Сәһијјә Назирлији бундан әввәл Леҝионелјоз хәстәлијиндән бир нәфәрин өлдүјүнү тәсдигләјиб. Илк јолухма һаллары өтән һәфтә ҹүмә ахшамы гејдә алыныб. Инфексијанын мәнбәји һәлә ки мүәјјән олунмајыб. Ады чәкилән хәстәлијә 1976-ҹы илдә Филаделфијада Американ Леҝиону адлы јүрүшдә күтләви јолухмадан сонра Леҝион хәстәлији ады верилиб. Леҝионелјоз инфексијасына јолухмуш хәстәләрдә адәтән гыздырма, үмуми интоксикасија, ағ ҹијәр, мәркәзи синир системи вә һәзм системи позунтулары, бәзи һалларда полиорган чатышмазлығы синдрому мүшаһидә олунур. Леҝионелла бактеријасынын јаратдығы бу хәстәлик, инсандан инсана бирбаша кечмәсә дә, бактеријанын дашыјан су дамҹыларынын тәнәффүс јолуна ҝетмәси илә хәстәлијә тутулма риски артыр.
Диггәт: Хәбәрдән истифадә етдикдә мәнбәјә истинад лазымдыр
