Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бир мүддәт өнҹә Атлантанын әтрафында јашајан јәһуди раввин Шалом Луис һәр кәси бүтүн Мүсәлманлара гаршы ҝеносидә башламаға сәсләдикдән сонра гәрби Австралијанын мәркәзи Перт шәһәриндә ики Мәсҹид вә бир Ислам Мәктәби ејни заманда јәһудиләрин һүҹумуна мәруз галмышдыр. Ҹүһүдләр, Мәсҹидин вә Мәктәбин дахилинә араг бутулкалары атараг диварлара анти-Ислам шүарлар јазмышлар.
Гејд олунан анти-Ислам чыхышлар вә Исламафоб сијасәтләрә ҹаваб олараг Австралија Мүсәлманлары бөјүк мәһарәтлә өлкәдә јашајан гејри-Мүсәлман ҹәмијјәтләри Мәсҹидләрә дәвәт едәрәк, Ислам принсипләриндән сөз ачыб вәтәндашлары Ислам дини илә, јахындан таныш етмәјә башлајыблар.
Өтән ҝүндән етибарән онларла Мәсҹид Ислам Дини илә јахындан таныш олмаг истәјән гејри-Мүсәлманларын үзүнә ачылыб. Австралија Мүсәлманлары Исламфобијанын јанлыш дүшүнҹәләр мәһсулу олдуғуну бир даһа исбатламаг үчүн, белә бир гәнаәтә ҝәлдикләрини ачыглајыблар.
Австралија Ислами Тәшкилатлардан биринин сәдри Самир Дандан бу һагда белә ачыглама вериб: “Бу, Ислам һагда мәнфи дүшүнҹә вә бахышлары тәмизләмәк мәгсәди илә атылан илк аддымдыр. Ејни заманда тәләсик гәзавәт етмәк әвәзинә Исламла танышлыға рәғбәтли олмаг үчүн мүһүм амилдир.”
О, даһа сонра билдириб: “Биз, бүтүн Мүсәлман вә гејри-Мүсәлманлары Мәсҹид, һәмчинин бир Мүсәлманын ҝүндәлик һәјатында баш верәҹәк һадисәләрлә бағлы өз тәҹрүбәләрини бир-бири илә бөлүшмәјә дәвәт едирик.”
Диггәт: Хәбәрдән истифадә етдикдә мәнбәјә истинад лазымдыр
