12 саjлы ҹәзачәкмә мүәссисәсинин гаршысында аксиjа кечирилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дүнән “Гәдир-Хум” баjрамы мүнасибәтилә тәшкил олунмуш тәдбирдән сонра исламчылар Ҝүздәкдә jерләшән 12 саjлы ҹәзаҹәкмә мүәссисәсинин гаршысында етираз аксиjасы кечирибләр.
Аксиjаjа сәбәб АИП сәдри Мөвсүм Сәмәдовун jенидән гапалы тәҹридханаjа салынмасы вә она гаршы тәзjигләрин давам етдирилмәсидир.
Мүхбиримиз һадисә jериндә олуб вә аксиjа иштиракчыларындан мүсаһибәләр алыб.
Танынмыш руһаны Сәрдар Һаҹыһәсәнли:
- Биз 12 саjлы ҹәза чәкмә мүәссисәсинин гаршысындаjыг. Бурда олмағымызын сәбәби аjдындыр. Биз октjабрын 9-да бурада, гапалы мәһкәмә кечириләрәк Мөвсүм Сәмәдовун  ики ил мүддәтиндә даһа ағыр режимли Гобустан һәбсханасына кечирилмәсинә етираз етмишдик. Бизим тәләбләримизә ҹаваб олараг онлар Һаҹыны елә мәһкәмә залындан “карсерә” гаjтардылар. Өлкә руһаниләри, зиjалылар һаҹыjа һәмрәjлик билдирмәк үчүн бураjа ҝәлибләр. Онлар бу етираз аксиjасы илә ҝөстәрмәк истәjирләр ки, өлкә иҹтимаиjjәтинин, вәтәндашларын мүраҹиәтинә әсла мәһәл гоjулмур.  Бу тәзjигләрин давам етдирилмәси, сөзүн әсил мәнасында, диндар кәсимин кәскин наразылығына сәбәб олуб.
Ән шүурлу игтидар халга ҝүвәнәндир. Һансы игтидар ки, ҝүҹүнү мүтәфәккир инсанларын, милләтин рифаһына, инкисафына jөнәлдир, бу һакимиjjәтләр даим jашаjыр, халгынын дәстәjини газаныр. Бу ҝүн исә халгын ән лаjигли өвладлары  37-ҹи илләрдә олдуғу кими, репрессиjалара мәруз галыб. Әҝәр бу ҝүн Вәтәнинин инкисафы, суверенлиjи  уғрунда әмәк сәрф едән, вәтәндашларын һүгугуну горуjан инсанлар репрессиjалара мәруз галырса, өлкәнин дүшүнән башлары, зиjалылары, алимләри бу тиканлы мәфтилләр архасындадырса, ҝөрәсән сабаһ бу халгы, торпаглары кимләр мүдафиә едәҹәк?
     
Мән Азәрбаjҹан һакимиjjәтинә үзүмү тутуб деjирәм ки, халыгын вар-дөвләти саjылан нефтин пулу илә кимләрисә доjдурмагла, кимләринсә боғазындан кәсәрәк jадлара төһвә вермәклә, Азәрбаjҹанын хош ҝәләҹәjинә наил олаҹагларыны дүшүнмәсинләр. Азәрбаjҹанын сабаһы бу халгдадыр. Халгын сәбри илә оjнамасынлар, кристал тәмизлиjә малик бу инсанлара саjғы илә jанашсынлар, онлара бу ҹүр тәзjигләр етмәклә пислик етмәсинләр. Биз бир даһа Азәрбаjҹан диндарлары адындан тәләб едирик ки,  Азәрбаjҹан Исалм партиjасынын рәһбәринин, һәмчинин башга диндарлар- Һаҹы Фәрамәз, Һаҹы Абҝүл, Һаҹы Талеһ вә сахта иттиһамларла һәбс едилмиш диҝәр инсанлар азад едилсин. Биз онлары азадлыгда, халгын өнүндә, халгын ичиндә ҝөрмәк истәjирик.
- АИП сәдр әвәси Елчин Манафов:
-Биз бу ҝүн Гәдир-Хумла бағлы тәдбирин давамы олараг, бура jығышдыг. Дүнән мәтбуатда ҝедән хәбәрләрдән мәлум олду ки, Һаҹы Мөвсүм Сәмәдову jенидән “карса”салыблар. Она гаршы тәзjигләр давам едир. Бөjүк нараһатлыг һисси илә бура ҝәлдик. Ҝөрүш үчүн мүраҹиәт едилсә дә бу имкан jарадылмады. Лакин һәбсхана рәһбәрлиjи бизимлә ҝөрүшәрәк Мөвсүм Сәмәдовун сәһһәтинин jахшы олдуғуну, сахланма шәраитиндән наразылыг етмәдиjини билдирди.
АИП функсионери Акиф Һеjдәрли:
-Бу ҝүнки аксиjамызын әсас сәбәби  АИП сәдринә гаршы һәбсханада артан тәзjигләрдир. Бу аксиjада партиjанын функсионерләри, руһани алимләр, иҹтимаиjjәт нүмаjәндәләри иштирак едирләр. Биз буна ҝөрә бүтүн дәстәк олан инсанлара өз миннәтдарлығымызы билдиририк. Әлбәттә, Мөвсүм Сәмәдова гаршы бу ҹүр әдаләтсизликләр ону әгидәсиндән дөндәрә билмәз. Мөвсүм кими инсанларын дәjәрләндирилмәси дини ҹамеәнин, халгымызын үмдә вәзифәсидир. Бу кими инсанлар өз әгидәләри уғрунда өлүмә белә һазырдырлар.
Диггәт: Хәбәрдән истифадә етдикдә мәнбәjә истинад лазымдыр