Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән,Ислам Инсан Һүгуглары Комиссијасынын 7-ҹи мәнтәгәсинин офиси бәјанат верәрәк Бакыда исламчы мәһбуслар барәдә Мәһбусларын Һүгуглары Конвенсијасынын позулмасына етиразыны билдириб
Ислам Инсан Һүгуглары Комиссијасынын 7-ҹи мәнтәгәсинин офисинин интернет сајтынын вердији хәбәрә ҝөрә, бу офис бәјанат верәрәк Бакыда исламчы мәһбуслар барәдә Мәһбусларын Һүгуглары Конвенсијасынын позулмасына етиразыны билдириб.
Бәјанатын бир һиссәсиндә ҝәлиб: “Бир мүддәтдир ки, Азәрбајҹан Ислам Партијасынын сәдри вә бу өлкәнин һәбсдә олан диҝәр исламчыларынын гануни вә инсани һүгугларынын позулмасы барәдә хошаҝәлмәз хәбәрләр јајылмагдадыр. Доктор Сәмәдовун карса салынмасы, Гобустан гејри-стандарт һәбсханаја көчүрүлмәсинә һазырлыг, гануни вәкилинин вә аиләсинин онунла ҝөрүшүнә мәһдудијјәт гојмаг, онун аҹлыг аксијасына вә физики дурумунун ағыр олмасына етинасызлыг бејнәлхалг гајда-ганунлара, о ҹүмләдән Мәһбусларын Һүгуглары Конвенсијасына, һәтта Азәрбајҹан Милли Мәҹлисинин гәбул етдији ганунлара зиддир”.
Бәјанатын ардында ҝәлиб: “Ислам Инсан Һүгуглары Комиссијасынын 7-ҹи мәнтәгәсинин офиси өз ислами вә инсани миссијасына ујғун олараг Азәрбајҹан Республикасынын мәһкәмә органларындан ҝөзләнтиси будур ки, бејнәлхалг гајда-ганунлара һөрмәт гојараг бу өлкәнин исламчыларына гаршы сон вахтларда гејри-гануни мәһдудијјәтләр јаратмагларынын сәбәби барәдә сәнәдли изаһ вермәклә јанашы бу мәһдудијјәтләрә сон гојмаг, дини инанҹларыны мүдафиә етдикләри вә һиҹаб гадағасына етиразларыны етдикләри үчүн һәбсә салынмыш мәһбусларын, о ҹүмләдән Мөвсүм Сәмәдовун азадлыға бурахылмасы барәдә лазым олан аддымы атсынлар вә мүсәлман Азәрбајҹан өлкәсинин Ислам дүнјасы илә јахынлашмасыны тәмин етсинләр”.
Бәјанатын сонунда дејилир: “Севимли Гарабағын азад олунмасыны вә Азәрбајҹан Республикасынын мүсәлманларынын иззәтини Аллаһдан истәјирик”.
Диггәт: Хәбәрдән истифадә етдикдә мәнбәјә истинад лазымдыр
