Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Сәлаһуд Дин әјаләтиндә, Азәриләрин компакт јашадыглары Амурли шәһәр сакинләри, 80 ҝүн Аллаһсыз “сәләфи” үнсүрләринин мүһасирәсиндә галдыгдан сонра, Ираг Милли Ордусу вә Көнүллү Дәстәләрин иштиракы илә, вәһши “тәкфирчиләрин” ҹајнагларындан азад олдуғу ҝүндән бу ҝүнә кими илк дәфә олараг Имам Һүсејнә (әлејһи сәлам) матәм мәрасими сахлајыблар.
Һәзрәти Әбүлфәзлил Әббасын (әлејһи сәлам) мүгәддәс һәрәминин тәшкилатчылығы илә, Амурли шәһәриндә кечирилән тәзијјә мәрасиминдә, шәһәр әһалиси, һәзрәти Әббасын (әлејһи сәлам) һәрәминин әзадарлыг һејәти, мәшһур Әһли Бејт (әлејһим сәлам) мәддаһы Һаҹ Нәззар Гәтри вә хәтиб Һөҹҹәтүл Ислам Сејјид Әббас Тувејрҹави иштирак едибләр.
Һәзрәти Әбүлфәзлил Әббасын (әлејһи сәлам) мүгәддәс һәрәми, Амурли шәһәр сакинләринин шәһәри идарә етмәкдә вә һәмчинин шәһәрин тәһлүкәсизлијини тәмин етмәкдә там мүстәгил сәвијјәјә чатмаг мәгсәди илә, өзәл һејәт дә ҝөндәриб.
Билдирәк ки, Амурли шәһәрини дөјүш һаләтиндән чыхарыб, шәһәри абадлашдырмаг ишләри вә һәмчинин Һәрби Бригадалары тәнзимләмәк мәсәләләри һәзрәти Әбүлфәзлил Әббасын (әлејһи сәлам) һәрәминин өһдәснәдир.
Диггәт: Хәбәрдән истифадә етдикдә мәнбәјә истинад лазымдыр
