Мөһсүн Сәмәдова гаршы һагсызлыглара АИМ үзвләриндән сәрт реаксиjа

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,АИМ үзвләри мәһбус һәjаты jашаjан диҝәр исламчыларын да һәбсини писләдиләр
АИП Аналитик Информасиjа Мәркәзинин нөвбәти топлантысы кечирилиб.
Верилән мәлуматда билдирилир ки, ҝүндәликдә -“Һаҹы Мөһсүн Сәмәдова гаршы гәрәзли мүнасибәтин сәбәбләри, Ҹәнуби Гафгаз Газ кәмәри лаjиһәсинин Азәрбаjҹан үчүн фаjдасы, БМТ Баш Ассамблеjасынын 69-ҹу сессиjасында диггәти чәкән мәсәләләр, ИШИД-ә гаршы коалисиjанын төрәтдиjи фаҹиәләр” кими мөвзулар әтрафында мүзакирәләр апарылыб.
АИП сәдр әвәзи һаҹы Елчин Манафов иҹласын ҝүндәлиjиндә бир чох мәсәләләрин гоjулмасына бахмаjараг, иштиракчылары 1-ҹи мәсәләнин мүзакирәсинә даһа чох диггәт аjырмаға чағырыб.
Чыхыш үчүн илк сөз алан Акиф Һеjдәрли ҝүндәликдәки бүтүн мәсәләләрә әһатәли шәкилдә мүнасибәт билдирди. О, партиjа сәдри Һаҹы Мөһсүнүн һәбсинин әсас сәбәбләрини бир даһа хатырладараг, ҹәзачәкмә мүәссисәсиндә jеринин дәjишилмәсини она гаршы jени һүҹум далғасы кими гиjмәтләндирди.
Акиф Һеjдәрли Мөһсүн Сәмәдовун хүсуси ҹәза тәҹридханасында сахланылмасы илә әлагәдар өлкәнин рәсми органларына мүраҹиәт олундуғуну, дүнән Пенитенсиар Хидмәт рәисинин гәбулуна ҝедилдиjини, лакин рәис иш jериндә олмадығына ҝөрә, идарәнин диҝәр мәсул шәхсләри илә бу барәдә сөһбәт апарылдығыны билдирди:
” Идарәнин рәсмиләри мүраҹиәт олунан мәктубун арашдырылдығыны вә һәфтәнин 1-ҹи ҝүнү бизә конкрет ҹаваб вериләҹәjини дедиләр. Биз Мәдәд Гулиjевлә ҝөрүшмәjи дә диггәтдә сахлаjыр.”
  АИП сәдр әвәзи һаҹы Елчин Манафов ҝүндәликдә дуран мәсәләләрин ҝәләҹәк ичласларда да мүзакирә олунмасыны тәклиф етди. О,Мөһсүн Сәмәдова гаршы тәтбиг олунан һагсызлара партиjанын дәрһал ҹидди реаксиjа вердиjини вә бу мәсәләнин АИП үчүн даим приоритет олдуғуну хатырлатды. Е.Манафов һаҹы Мөһсүн кими инсанларын нәинки хүсуси ҹәза режиминдә, һәтта бир саат белә ганунсуз һәбсдә сахланылмасынын jолверилмәз олдуғуну деjәрәк, һаҹынын хүсуси ҹәзачәкмә тәҹридханасында һәбсхана jемәjиндән имтина етдиjи үчүн ҹәза мүддәтинә 7 ҝүн дә әлавә олундуғуну диггәтә чатдырды:
“Биз тәкҹә Һаҹы Мөһсүнүн һүгугларыны мүдафиә етмәклә кифаjәтләнмирик, чүнки Һаҹы Абҝүл Сүлеjманов, Тале Бағыров вә диҝәр диндар мәһбуслара да олунан ишҝәнҹәләрдән хәбәрдарыг. Биз бүтүн виҹдан мәһбусларынын һәбсдән азад олунмасы истигамәтиндә бүтүн һүгуги васитәләрдән истифадә етмәклә мүбаризәмизи давам етдиририк.”
АИП-ин тәшкилати мәсәләләр үзрә сәдр мүавини Вүгар Ибаjев ҹәмиjjәтдә һаҹы Мөһсүн Сәмәдова гаршы гәрәзли мүнасибәтләрә ҝөрә бөjүк нараһатлыг олдуғуну, комитә сәдрләринин зәнҝ едәрәк бөлҝәләрдә бу мәсәләjә ҝөрә ҹамаатын аjаға галхмаг истәдиjини вә һамынын АИП-ин мөвгеjини ҝөзләдиjини диггәтә чатдырды. О, һәмчинин башга тәшкилатларын да бу мәсәләдә бизимлә һәмрәj олдугларыны сөjләди вә мүраҹиәтин нәтиҹә вермәjәҹәjи тәгдирдә, ганун чәрчивәсиндә күтләви тәдбирләрә әл атылаҹағыны деди.
Јасамал раjон сакини, танынмыш иҹтимаиjjәтчи Елjар Нәзәров Ислам конфрансы тәшкилатына, мәрҹәиjjәтин дәфтәрханаларына мүраҹиәт олунмасыны тәклиф едәрәк, бу һагсызлыгларын дүнjа ҝүндәминә чыхарылмасынын ваҹиблиjини диггәтә чатдырды.
АИМ сәдри Үзеjир Һеjдәров һаҹынын һәбсинин һакимjjәтә месаж олан чыхышы илә әлагәдар олдуғуну вурғулады.
Ҝәнҹ исламчы Рәшад Дадашовбүтүн диндарларын, руһани алимләрин һагсыз һәбсләри илә әлагәдар Ислами Мүдафиә Комитәсинин jарадылмасыны тәлкиф етди. О, ҝүнаһсыз jерә һәбс олунан бу инсанларын азадлығы үчүн мүәjjән ишләр ҝөрүлмәсини, ҝәләҹәк топлантылара руһаниләрин,танынмыш дин хадимләринин дәвәт едилмәсини тәклиф кими ирәли сүрдү.
Руһани алим Һаҹы Сеjран бу мәсәләнин һәллиндә бөjүк сиjасәт jүрүдүлмәсинә вә бөjүк ибадәтә еһтиjаҹ дуjулдуғуну билдирди. Онун чыхышы илә АИМ-нин топлантысы өз ишини баша чатдырды.
Диггәт: Хәбәрдән истифадә етдикдә мәнбәjә истинад лазымдыр