Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Милли Ордусу Әдра Умалијјә шәһәринин мүһасирәсини даһа даралтмагла гондарма “Ҹејшул Ислам” вә “Ҹәбһәту Нусра” адлы террорчу бирләшмәләри шәһәрдән ҝеријә гачмаға мәҹбур етмишдир.
Беләликлә дә, Сурија Милли Ордусу Әдра Умалијјә вә диҝәр шәһәрләрин нәзарәтини там әлә кечиртмәклә Дәмәшг әјаләтинин әтраф мәнтәгәләриндә јерләшән јараглылары тезликлә мүһасирәјә салаҹаг.
Билдирмәк истәрдик ки, Сурија Милли Ордусунун дәгиг вә мүвәфәггијјәтли әмәлијјатлары террорчу груплашмаларын руһијјәсини хејли сарсыдыб. Әдра Умалијјә мәнтәгәси стратежи бахымдан олдугҹа бөјүк әһәмијјәт дашыјыр. Белә ки, гејд олунан мәнтәгәни әлә кечиртмәклә Дәмәшг әјаләти илә бир чох бөлҝәләр арасында әлагәләр бәрпа олунур.
Диггәт: Хәбәрдән истифадә етдикдә мәнбәјә истинад лазымдыр
