Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дүнән Азәрбајҹанда гејри-әнәнәви нишан мәрасиминин тәшкил едилмәси барәдә хәбәр јајылды. Белә ки, Нәфәс ЛҜБТ (лезбијан,ҝеј, бисексуал, трансексуал) Азәрбајҹан Алјансынын президенти үздәнираг Атилла Бәј Ҹавид ејниҹинсли “севҝилиси” илә нишанландығыны бәјан едиб. О, бу барәдә шәхси фаҹебоок сәһифәсиндә мәлумат вериб: “Бәли биз буну етдик. Һомофоб ҹәмијјәтимизә мејдан охудуг. Һүнәрли, ҹәсарәтли олан һәр кәсә гисмәт олсун. Севҝинин ҹинси јохдур, унутмајын буну. Бу һадисәни бәјәнмәјәнләр дә хаһиш едирәм өз фикирләрини ве деди-годуларыны өзләринә сахласынлар. Хошбәхт ҝүнүмүзә севинән вә дәстәк олан һәр кәсә исә тәшәккүрләр!”
Гејд едәк ки, Азәрбајҹанда ејниҹинсли шәхсләрин никаһы ганунла гадағандыр.
Мараглыдыр, бәс Атилла Бәј Ҹавидин јахын чеврәсиндә кимләр вар? Бу мәсәләни арашдырмаға бу ҝүн фаҹебоок сәһифәсиндә пајлашылан бир шәкил сәбәб олду. Белә ки, Атилла Беј Ҹавид Мүсават Партијасынын башганлыға намизәди Губад Ибадоғлунун шәклини 21 сентјабр тарихиндә "чох лајигли намизәд" статусу алтында пајлашыб. Мүмкүндүр ки, бу шәкилин пајлашылмасы Губад Ибадоғлу үчүн "гара пиар" характери дашыјыр. Чүнки шәкилин пајлашылмасындан ҹәми 2 ҝүн сонра Атилла һәмҹинси илә нишанландығыны бәјанлајыб.
Амма бу да һамысы дејил. Белә ки, апарылан арашдырмалар нәтиҹәсиндә бәлли олуб ки, Атилла Ҹавид һазырда һәбсдә олан Сечкиләрин Мониторинги вә Демократијанын Тәдриси Мәркәзинин (СМДТМ) рәһбәри Анар Мәммәдлинин тәшкилатында әсас апарыҹы шәхсләрдән бири олуб. Онун фаҹебоок профилиндә Мүсват Партијасынын Сумгајыт шәһәр тәшкилатынын үзвү олмасына даир шәкилләр вар. Шәкилләрин сырасында өлкәдә кифајәт гәдәр танынан сималарла чох сәмими үнсијјәти сүбут едән ҝөрүнтүләр вар.
Бир мәсәләни дә гејд етмәк јеринә дүшәрди ки, бу ҝүн ҝүнорта саатларындан сонра Атилла беј Ҹавид өз әсас фаҹебоок сәһифәсини бағлајыб. Онун диҝәр профилиндә исә сонун пајлашма өтән илин ијул ајында олуб.
Диггәт: Хәбәрдән истифадә етдикдә мәнбәјә истинад лазымдыр
