Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнән хәбәр верилдији кими, Азәрбајҹан Ислам Партијасынын сәдри һаҹы Мөвсүм Сәмәдов јени көчүрүлдүјү 12 сајлы ҹәзачәкмә мүәссисәсиндә ҹәримә тәҹридханасына (карса) салыныб.
Вәкил Анар Гасымлы бунун сәбәбләрини өјрәнмәк үчүн АИП рәсмиләриндән һаҹы Елчин Манафов, Елшән Оруҹов, Вүгар Ибајев вә Акиф Һејдәрли илә бирликдә бу ҝүн 12 сајлы ҹәзачәкмә мүәссисәсинә, Мөвсүм Сәмәдовла ҝөрүшә ҝедиб.
Вәкил мүәссисәнин рәһбәрлијинә мүраҹиәт едәрәк һаҹы илә тәкбәтәк ҝөрүшә ҹәһд едиб. Буна бахмајараг, һаҹы Мөвсүм хүсуси ҹәза режиминдә (карсда) олдуғу үчүн онунла ҝөрүшә иҹазә верилмәјиб. Лакин вәкил Дәјанәт Сәмәдовла ҝөрүшә билиб. Ајдын олуб ки, Дәјанәт Сәмәдов да хүсуси ҹәзачәкмә режиминдән јениҹә чыхыб. Онун ҹәримә тәҹридханасына салынмасынын сәбәби ҝеҹә намазы гылмасы олуб.
Амма Дәјанәт Мөвсүм Сәмәдовун һансы сәбәбдән карса салынмасындан хәбәрсиз олуб.
Дәјанәт Сәмәдов һәмчинин дејиб ки, бу ганунсузлуға етираз олараг һаҹы Мөвсүм һәбсхананын вердији гиданы гәбул етмәкдән имтина едиб.
Вәкилин дәгигләшдирә билмәдији мәлумата ҝөрә, АИПун ҹәримә тәҹридханасындан сабаһ чыхмасы ҝөзләнилир.
Ҹәзачәкмә мүәссисәсинин рәиси вәкил Анар Гасымлыны гәбул етмәкдән имтина едиб.
АИП функсионерләри билдирибләр ки, һаҹы Мөвсүм Сәмәдовла ҝөрүшә иҹазә верилмәдији үчүн партија адындан Әдлијјә Назирлијинә вә Пенитенсиар хидмәтин рәисинә рәсми мүраҹиәт едиләҹәк.
Јахын ҝүнләрдә Мөвсүм Сәмәдовун хүсуси ҹәзачәкмә режиминә салынмасынын сәбәбләри арашдырылаҹаг.
Диггәт: Хәбәрдән истифадә етдикдә мәнбәјә истинад лазымдыр
