Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Силаһлы Гүввәләринин Спикери Гасим Әта билдириб: “Амурли шәһәринин мүгавим сакинләри, шәһәрин азғын “тәкфирчи”ләрдән азад олундуғундан сонра шәнлик тәдбирләри кечирдибләр”.
Амурли ҹаматы Аллаһсыз “сәләфиләрин” мүһасирәсиндә галдыглары мүддәт әрзиндә, дүшмән гүввәләринә гаршы мүгавимәт ҝөстәрмиш вә јараглылара Ираг бајрагыны шәһәрин дөвләт даирәләри вә јашајыш мәнзилләри үзәриндән ашағы ендирмәјә имкан вермәмишләр. Бу јолда Амурли сакинләри вәтәнә чохлу Шәһид вә јаралы тәгдим етмишләр.
Амурли сакинләри Фитр Бајрамы әрәфәсиндә мүһасирәдә галдыглары үчүн бајрам аб-һавасын дәрк едә билмәмишләр. Лакин Ираг Силаһлы Гүввәләринин шәһәрә ҝириши илә, бүтүн сакинләрдә әсил бајрам руһијјәси јаранмыш вә шадлыг едәрәк тән-тәнәли сүрәтдә бајрам кечиртмишләр.
Әһалисинин Шиә вә Ираг Азәриләри олан Амурли шәһәри өтән ҝүн, мүхтәлиф өлкәләрдән, о ҹүмләдән Ҝүрҹүстан, Азәрбајҹан, Түркијә, Пакистан, Африка, Авропа, Русија вә с. өлкә вәтәндашларындан тәшкил тапмш “ИШИД” террорчу груплашмасынын мүһасирәсиндән там азад олуб.
Амурли шәһәри 81 ҝүн тәкфирчиләрин мүжасирәсиндә галмышдыр.
Вәзифә мүддәти сона јетмәкдә олан Ирагын Баш Назири Нури Малики ҹәнаблары да өз нөвбәсиндә бүтүн назирикләрә Амурли шәһәр сакинләринә јардым ҝөстәрмәкләри әмрини вериб.
Нури Малики ҹәнаблары шәһәрин террорчулардан азад едилмәсиндән бир ҝүн сонра, шәхсән Амурлијә ҝедәрәк ҹамаатын дуруму илә јахындан таныш олуб. Мүшаһидә едәҹәјиниз кими ашағыдакы фотоларда Нури Малики ҹәнаблары Амурлидәдир.
Гејд едәк ки, Амурли шәһәринин Ираг Силаһлы Гүввәләри вә көнүллү Фәдаиләр дәстәсинин көмәклији илә азад едилмәси, “Сүлејман Бәј” шәһәринин дә тәкфирчи үнсүрләрин чајнағындан азад олмасына ҝәтириб чыхартмышдыр.
Билдирәк ки, јениҹә азад олмуш Сүлејман Бәј шәһәриндә 50 мин сакин јашајыр. Бу шәһәр Сәлаһәддин әјаләтинин Тәкрит шәһәринин шәрг истигамәтинин 90 км-дә јерләшир вә Ирагын Ҹәнуб бөлҝәсини Шимал бөлҝәсинә битишдирир.
Нури Малики Амурлидә
Диггәт: Хәбәрдән истифадә етдикдә мәнбәјә истинад лазымдыр
