Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дәҹлә Әмәлијјатынын капитаны бу ҝүн Шиәләрин (Ираг азәрбајҹанлыларынын) компакт јашадыглары Амурли шәһәринин азғын тәкфирчи үнсүрләр тәрәфиндән 81 ҝүн мүһасирәдә галдыгдан сонра азад олдуғу хәбәрини вериб.
О, билдириб: “Ираг Һава Гүввәләри, Ираг Гуру Гошунлары вә Сејјид Мүгтәда Сәдрин рәһбәрлик етдији Сүлһ Бригадаларынын үч ҹәһәтдән бирҝә кечиртдикләри анти-террор әмәлијјатлар нәтиҹәсиндә 7 кәнд вә гәсәбә јараглы үнсүрләрдән там тәмизләнәрәк азад олуб”.
Дәҹлә Әмәлијјатынын Командири Әбдүл Әмир әл-Зејд да сонра дејиб: “Әмәлијјат заманы 100 тәкфирчи дармадағын едиләрәк, нәглијјат васитәләри мәһв едилиб”.
Гејд едәк ки, Амурли шәһәринин мүһасирәдән азад олмасы илә јанашы Ирагда Сәдр Һәракатынын лидери вә Сүлһ Бригадаларынын Командири Сејјид Мугтәда Сәдрин һәрби ҝејимдә чәкдирдији шәкили медиаларда јајымланыб.
Мугтәда Сәдр, Сүлһ Бригадаларынын јарадылмасынын әсас һәдәфини јараглылар тәрәфиндән зәбт едилмиш торпагларын азад олунмасында Ираг Милли Ордусуна јардым ҝөстәрмәси олдуғуну вурғулајыб. О, даһа сонра билдириб ки, Сүлһ Бригадасынын үзвләри һазырда Самирра, Амурли вә с. мәнтәгәләрдә Аллаһсыз тәкфирчиләрә гаршы амансызҹасына дөјүшүрләр.
Ирагын Баш Назири Һејдәр Абиди Милли Ордунун гәләбәси мүнасибәти илә халга тәбрик сөјләјәрәк билдириб: “Бу гәләбә Ираг Республикасынын диҝәр мәнтәгәләринин азғын јараглы үнсүрләрдән там сүрәтдә азад оламсы үчүн илкин мәрһәләдир”.
әл-Ирагијјә телевизија каналы Ирагын азәрбајҹанлылар мәнтәгәси олан Кәркүк вилајәтиндән вердији бирбаша јајымда јерли әһалинин 81 ҝүн аҹ вә сусуз галдыгларына ишарә едәрәк билдириб: “Ираг Силаһлы Гүввәләри вә Көнүллү Дәстәләри габаға ирәлиләдикҹә Ираг Һава Гүввәләри јерли әһалијә көмәк вәсаитләрини чатдырыр”.
Билдирәк ки, шәһәрин нисби азад олмасына бахмајараг Амурлинин шимал мәнтәгәсиндә јерләшән 25 кәнд һәлә дә тәкфирчиләрин ишғалында галмагдадыр.
Диггәт: Хәбәрдән истифадә етдикдә мәнбәјә истинад лазымдыр
