Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәнин Хоҹа Әли әјаләтинин Көрфәз мәнтәгәсиндә јерләшән Имам Һүсејн (әлејһи сәлам) адына Мәсҹидин Имамы Орхан Өз өтән ҝүн Ҹүмә Намазындан сонра Түркијәдәки азғын гондарма “ИШИД” террорчулары тәрәфиндән өлүмлә һәдәләниб.
Гондарма “ИШИД” гулдурлары, өз тәһдидләриндә ҹидди олдуғуну сүбут етмәк үчүн, Шиә Алиминин һәјәтиндә парк етдији шәхси автомобилини јандырыблар.
Бу һаггда медиаја ачыглама верән Орхан Өз билдириб: “Бу ҝүн саат 03:00 радәләриндә һәјәтимдә аловун ҝөјә јүксәлдијинин шаһиди олдум, һәјәтә дүшдүкдә исә, машынымын јандығыны ҝөрдүм”.
О, һәмчинин билдириб: “Мән бу шәхсләри танымырам, лакин баш верәнләрин һаммысыны тәһлүкәсизлик органларына мәрузә етмишәм, онлар да өз нөвбәсиндә ҹинајәткарларын ахтарышына башлајыблар”.
Диггәт: Хәбәрдән истифадә етдикдә мәнбәјә истинад лазымдыр
