Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ағ Ев рәсмиси телевизиjада Исраили мүдафиә етсә дә, телефон данышығында әмәлиjjатлардан нараһат олдуғуну деjәрәк, Исраили тәнгид едиб.
Геjд едәк ки, Керри мүсаһибә верәркән Ағ Ев рәсмиләриндән бири илә телефонла данышыб. Бу заман микрофон ачыг галыб вә журналист буну геjд едиб.
“Фох” телевизиjасында верилән сәс jазысында Керри Исраили тәнгид едәрәк “Бу һадисә ҹидди шәкилдә тәзjиги артырыр. Тез бир заманда атәшкәс елан олунмалыдыр. Биз буну етмәлиjик. Бу ахшам ҝетмәjимиз ваҹибдир. Бурда отурмаг дәлиликдир”, - деjиб.
Ону да билдирәк ки, Керри телефонла данышаркән сәс jазысынын лентә алындығындан хәбәрсиз олдуғундан журналистин вердиjи суалдан сонра jенә Исраили мүдафиә едиб.
Исраилин "Һәмас"ын атдығы ракетләрә гаршы өзүнү горумасыны тамамилә дәстәкләдикләрини билдирән Керри сон бөһранын өлдүрүлән үч jәһуди ҝәнҹ ахтарылдығы заман башладығыны деjиб.
Мүһарибәнин "Һәмас" тәрәфиндән башладығыны деjән Керри “Бу, алчаглыгдыр”, - деjәрәк, Исраили мүдафиә етмәкдә давам едиб.
Керри: “Мән дәфәләрлә демишәм, инди дә деjирәм ки, инсанларын өлдүрүлмәси мөвзусунда һамыjла еjни фикирдәjәм. Лакин биз Исраили дәстәкләjирик. "Һәмас" гаршы тәрәфин атәшкәс тәклифини дәjәрләндирмәлидир. Исраил өз торпагларына минләрлә ракет атан террорчулара гаршы әлини-голуну саллаjыб отура билмәзди. АБШ Исраилин бу дәгигәjә кими атдығы аддымлары дәстәкләjир”.
Геjд едәк ки, Керри мүһарибәдә ҺӘМАС-ын өз вәтәндашларындан галхан кими истифадә етдиjини геjд едәрәк, чох jахын бир вахтда бөлҝәjә ҝедәҹәjини билдириб.
Faktxeber.com
Диггәт: Хәбәрдән истифадә етдикдә мәнбәjә истинад лазымдыр
