Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Исрафил Абуталыбовун һәдәләjиб мүфлис етдиjи саһибкар дөвләт башчысындан көмәк истәjирБакыда мүфлислик һәддинә чатдырылан саһибкар Валеһ Мүвтәллимовун Бакы Шәһәр Иҹра Һакимиjjәтинин башчысы Һаҹыбала Абуталыбовун вәһһаби оғлу Исрафил Абуталыбова гаршы иддиасы үзрә мәһкәмә тәхирә салыныб. Бу барәдә “Јени Мүсават”а саһибкар өзү мәлумат вериб.
О билдириб ки,
иҹарәjә
ҝөтүрдүjү обjектдән ганунсуз олараг чыхарылмасы илә бағлы мәһкәмәjә мүраҹиәт едиб. Ашағы инстансиjа - Јасамал Раjон Мәһкәмәси онун иддиасыны тәмин етмәдиjиндән, саһибкар Апелjасиjа Мәһкәмәсинә мүраҹиәт едиб. Иjулун 15-дә кечирилән просес исә ҹавабдеһ тәрәфин вә вәкилинин мәһкәмәjә ҝәлмәмәси сәбәбиндән баш тутмаjыб. Һаким просеси августун 1-дәк тәхирә салыб.
Геjд едәк ки, В.Мүвтәллимову иҹарәjә ҝөтүрәрәк ишләтдиjи обjектдән Бакы Шәһәр Иҹра Һакимиjjәтинин башчысы Һаҹыбала Абуталыбовун оғлу Исрафил Абуталыбов чыхарыб. Саһибкарын сөзләринә ҝөрә, Бакынын Јасамал раjонунда, Шәрифзадә, 34 үнванында jерләшән обjект Исрафил Абуталыбова мәхсусдур.
“Мән 2010-ҹу илин мартында Бакынын Јасамал раjонунда, Шәрифзадә, 34 үнванында jерләшән обjекти иҹарәjә ҝөтүрмүшәм вә бир мүддәт сонра - 2013-ҹү илин мартында әсассыз, ганунсуз олараг орадан чыхарылмышам. Һәмин обjект Һаҹыбала Абуталыбовун оғлу Исрафил Абуталыбова мәхсусдур вә обjектдән чыхарылмағым нәтиҹәсиндә күлли мигдарда зиjана дүшмүшәм. Биз һәр ил обjектин иҹарәси үчүн бир иллик мүгавилә бағламышыг. Обjекти ики ил ишләтдикдән сонра орада ишләр нормаjа дүшмәjә башлады. Бу заман мәнә билдирдиләр ки, беш, jахуд он иллик иҹарә мүгавиләси бағлаjа биләрик”, - деjә саһибкар билдириб.
Онун сөзләринә ҝөрә, мүгавилә илә таныш олуб вә бир бәндлә разылашмаjыб: “Бу, үч аj әввәлдән хәбәрдарлыг етмәклә иҹарәчинин обjектдән чыхарылмасы илә бағлы иди. Онлар мәни әмин етдиләр ки, бу, формал бир ишдир. Анҹаг мүгавилә бағланандан 4 аj сонра гәфләтән мәнә обjекти бошалтмаг үчүн хәбәр ҝөндәрдиләр. Мән етираз етдим, бурадан пул газанмадығымы, фирмалара борҹум олдуғуну, әлавә хәрҹ чәкәрәк маркет үчүн аваданлыглар алдығымы да диггәтә чатдырдым. Онларын вәкилләри билдирди ки, бу борҹларын онлара һеч бир аидиjjәти jохдур вә буна ҝөрә мәнә һеч бир вәсаит өдәнилмәjәҹәк. Дедиләр ки, өз хошумла обjекти тәрк етмәсәм, jахынлыгдакы ”Ломбард"ын саһиби кими мәни баjыра атаҹаглар. Мән дә мәҹбурән обjектдән чыхдым".
Һәдәләндиjини билдирән саһибкар һәмчинин геjд едир ки, башына ҝәлән ганунсузлуг вә мәмур өзбашыналығы илә бағлы дөвләт башчысы Илһам Әлиjевә вә Бакы Шәһәр Иҹра Һакимиjjәтинин башчысы Һаҹыбала Абуталыбова мәктуб да jазыб. Мәктубунда саһибкар мүфлисләшдирилдиjини, һәмчинин һәдәләндиjини вурғулаjыб, еjни заманда көмәк истәjиб.
Оғул Абуталыбовун ганунсуз әмәлләри нәтиҹәсиндә саһибкар итирдиjи вәсаити бир илдән чохдур ки, ҝери гаjтара билмир. Һәмин дүканда исә 10-12 нәфәр чалышыб. Онлар әсасән шәһид аиләси, мәҹбури көчкүнләр вә әлиллиjи олан инсанларын аиләләри олуб.
В.Мүтәллимов һәмин обjектин саһибинин ганунсуз һәрәкәти илә бағлы 2013-ҹү илдә мәһкәмәjә мүраҹиәт етсә дә, Јасамал Раjон Мәһкәмәси онун иддиасыны тәмин етмәjиб. Һазырда иш Апелjасиjа Мәһкәмәсиндәдир.
Musavat.com
Диггәт: Хәбәрдән истифадә етдикдә мәнбәjә истинад лазымдыр
