Әһли Бейт (әлейһимус сәлам) -АБНА- Хәбәр Аҝентлийинин вердийи хәбәрә әсасән,Бәхтийар Мәммәдов: “Шаһин Султанов севҝилисинә 2 милйонлуг ев һәдиййә вериб”.Һүгуг мүдафиәчиси Бәхтийар Мәммәдов һәбсдә олан Һәрби Дәниз Гүввәләринин сабиг команданы Шаһин Султановла бағлы редаксийамыза йени сенсасион мәлуматлар ҝөндәриб. Гейд едәк ки, йениҹә һәбсдән чыхмыш Б.Мәммәдов узун мүддәт Ш.Султановла конфликтдә олуб. Б.Мәммәдовун һәбсинә сәбәб дә сабиг команданын иддиасы илә мәһкәмәйә мүраҹиәт етмәси олмушду.
Б. Мәммәдов йени мүраҹиәтинә вәкил Адәм Мәммәдовун “Шаһин Султанов садә һәйат тәрзи сүрүб” иддиасына ҹавабла башлайыб: “Бу ”садә һәйат тәрзи сүрмүш" Шаһин Султанов Наташа адлы бир гадыны ишә дүзәлдәрәк она махе рүтбәси вермиш, онунла узун илләр әрзиндә севҝили кими йашайараг һәр ҹүр ҹаһ-ҹәлаллы шәраит йаратмыш, һәмин гадынын евинин бүтүн базарлығыны “код 555" ләгәбли досту Елхан Һаҹыйев васитәсилә һәйата кечирмишдир. Тәгрибән 2008-2009-ҹу илләрдә севҝили мүнасибәтләринин сона чатмасындан вә Наташанын инҝилис әсилли вәтәндашла никаһ гурмасындан ирәли ҝәләрәк Наташа Мәркәзи Универмағын йахынлығында Шаһин Султановун она һәдиййә етдийи 2 милйонлуг дәбдәбәли еви сатараг хариҹә көчмүшдү. Будур Шаһин Султановун садә һәйат тәрзи?” Б.Мәммәдов йазыр ки, команданын бөйүк оғлу Әшрәф Султанов атасы сайәсиндә адыны йалныз гейдиййата салдырмагла Сумгайытда йерләшән “Н” сайлы һәрби һиссәдә “әсҝәрлик” кечиб. “Шаһин Султановун диҝәр оғлу - Назим Султанов атасы сайәсиндә һеч бир һүгуги әсас олмадан долайы йолларла һәрби хидмәтдән мөһләт һүгугу ҝөтүрәрәк бу ҝүнәдәк һәрби хидмәтдән йайыныб”.
Һүгуг мүдафиәчиси иддиа едиб ки, Шаһин Султановун һәйат йолдашынын ады Ирина олдуғу һалда һансыса йолларла дөнүб олуб Ирадә Султанова вә ханымынын Русийада мүхтәлиф дөвләт гурумларында, о ҹүмләдән Русийа МН-дә йахын гоһумлары ишләйир: “Шаһин Султанов гачагмалчылыг фәалиййәти заманы йахаланаркән бир нечә дәфә мәһз бу гоһумларын васитәчилийи илә мәсулиййәтдән йайындырылмыш вә ”судан гуру" чыхмышдыр. Јахын гоһумларынын Русийа МН-дә ишләмәси фактыны да Шаһин Султанов дөвләт органларындан ҝизләтмишдир. Һалбуки о, бу барәдә мүвафиг гурумлары мәлуматландырмаға борҹлу иди.
“Оғлунун бири адыны йалныз гейдиййата салдырмагла ”әсҝәрлик" кечиб, о бири оғлу бу ҝүнәдәк һәрби хидмәтдән йайыныр"
Шаһин Султановун һәйат йолдашы Ирина Султанова йухарыда гейд олунанлардан ирәли ҝәләрәк һәм аиләдахили нүфуз саһиби олмуш, еләҹә дә ҺДГ-дә “фәалиййәти” олмушдур. Белә ки, Ирина Султанова тәрәфиндән һәм өз евинин, һәм дә йахын гоһумларынын евләринин бүтүн әшйаларыны, мебел ләвазиматларыны, мәишәт аваданлығыны, халча - килимләри Елхан Һаҹыйев тәрәфиндән ачылмыш сахта ММҸ-ләр васитәсилә йени алынмыш әшйа вә ләвазиматлар кими ҺДГ-нин балансына мәдахил етдирәрәк 100 мин манатларла дөвләт вәсаити мәнимсәнилмишдир.
Бундан башга, Ирина Султанова она верилмиш гейри-рәсми сәлаһиййәтләр чәрчивәсиндә Һәрби Дәнизчилик Мәктәбинин сабиг рәиси 1.дәр. капитан Н.Әлийевин һәйат йолдашыны, ихтисасҹа ҺДГ бағча мүдирәси олмаг һаггы вә һүгугу олан бир ханымы ганунсуз шәкилдә ишдән узаглашдырмагла өз йахын рәфигәсини бу вәзифәйә тәйин етдирәрәк йейинти ишләринә зәмин йаратмыш вә сонрадан бу йолла бағчада күлли мигдарда дөвләт вәситинин мәнимсәнилмәси һәйата кечирилмишдир".
Һүгуг мүдафиәчиси “Азәренержи” президенти Етибар Пирвердийевлә Шаһин Султанову бағлайан гаранлыг мәсәләләрлә бағлы апардығы арашдырмалары тезликлә истинтага тәгдим едәҹәйини дейиб: “Ирина Султанова да буну мәтбуат конфрансында ”Шаһин Султановла Етибар Пирвердийев Байраг Мейданында сөкүнтүләрдә бир йердә олублар" фикри илә тәсдигләйир. Еләҹә дә бу факт мәни шәрләйәрәк тутдурдуглары заман 19 ийул 2012-ҹи илдә Бакы Ағыр Ҹинайәтләр Мәһкәмәсиндә мәһкәмә истинтагы заманы “код 555" ләгәбли Елхан Һаҹыйев тәрәфиндән сәрбәст ифадәсиндә дә тәсдигләнмишдир: ”Биз Шаһин Султановла 2 милйон пулу алмышыг, бу пулдан һәр аиләйә 10 мин вермишик, галан пулу да Гарадағ району әразисиндә Пута гәсәбәсиндә ҺДГ үчүн инша едилән йени базада “Азенко” ширкәти илә евләр тикирик". “Азенко” ширкәти исә Етибар Пирвердийевин табечилийиндәдир. Беләликлә, Байраг Мейданы әтрафындан сакинләрин көчүрүлмәси заманы һәрбчи аиләләринә чатасы вә фактики мәнимсәнилмиш вәсаитин бүтүн ҹығырлары Етибар Пирвердийевин “Азенко” ширкәтинә ҝедиб чыхыр. Диҝәр тәрәфдәнш Етибар Пирвердийевә мәхсус “Азенко” ширкәтинин Пута гәсәбәсиндә ҺДГ үчүн тикдийи йени базанын тикинтисиндә дә чохсайлы проблемләр йаранмышдыр, лайиһәдә ҝөстәрилән тикинти материаллары уҹуз вә кейфиййәтсиз материалларла әвәз олунмушдур ки, бүтүн бунлар да бир нечә ҝүн бундан өнҹә базада олмуш мүдафиә назири З.Һәсәнову гәзәбләндирмишдир. Нәтиҹәдә һазыркЫ ситуасийайа ҝөрә 26 ийун Силаһлы Гүввәләр ҝүнү өлкә башчысы, Али Баш Командан И.Әлийевин иштиракы илә ачылышы ҝөзләнилән базанын ачылма вахты гейри- мүәййән тарихәдәк тәхирә салынмышдыр. Бүтүн бунлар Етибар Пирвердийевә мәхсус “Азенко” ширкәти илә Шаһин Султановун ишбирлийиндә бөйүк коррупсийа ойунларынын мөвҹуд олмасыны тәсдигләйир".
Б.Мәммәдов йазыр ки, Ш.Султановун шәхси мадди мараглары зәмининдә ҺДГ-нин кечмиш евләр идарәсинин рәиси, “код 555" ләгәбли Елхан Һаҹыйевин оғлу Һаҹыйев Рөвзәт вә диҝәр шәхсләр тәрәфиндән штата ”өлү ҹанларын", йәни адлары олуб өзләри ишдә олмайан вәтәндашларын адларыны йазмагла дөвләтә йүз мин манатларла зийан вурулараг күлли мигдарда дөвләт вәсаитини мәнимсәйибләр.
“Истинтаг сирри олдуғундан һәләлик гейд етмәдийим ҹинайәт фактлары барәдә сабиг мүдафиә назири С.Әбийевин, МН-ин кечмиш Һәрби Инспексийасынын рәиси М.Бейдуллайевин, нә гәдәр гәрибә олса да, һәлә дә назирлийин һүгуг идарәсинин рәиси олан Рауф Кишийевин, һәрби һиссәнин кечмиш һүгугшүнасы Рауф Зейналовун хәбәри олмуш, лакин адлары чәкилән бүтүн шәхсләр өз шәхси мадди мараглары наминә бүтүн бу ҹинайәт фактларыны өрт-басдыр етмишләр” дейә,Б.Мәммәдов билдириб.
Axar.az
Диггәт: Хәбәрдән истифадә етдикдә мәнбәйә истинад лазымдыр
