Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Австралиjанын Мелбрун шәһәриндә jүзләрлә сакин Бәшшар Әсәд ҹәнабларынын Суриjа Президент сечкиләриндә гәләбә газанмасы мүнасибәти илә мәрасим кечирдибләр.
“Австралиjалылар Суриjа Үчүн” адлы тәшкилатын бир дәстә үзвләри, өтән ҝүн Мелбрун шәһәриндә гәләбә мәрасимин геjд едибләр. Мәрасим иштиракчылары Суриjа Дөвләт баjрағыны, Ливан Һизбуллаһ Мүгавимәт Тәшкилатынын баjрағыны, Австралиjа Дөвләтинин баjрағыны вә һабелә Һөҹҹәтүл Ислам Сеjjид Һәсән Нәсруллаһ вә Бәшшар Әсәд ҹәнабларын шәкилләрини әлләриндә тутараг ҝөjә уҹалдыблар.
Мәрасимдә Австралиjанын Паjтахты Сиднидә jерләшән“Суриjалы Тәләбәләр Бирлиjи”нин сәдри Ханым Һәнади Әсвәд чыхыш едиб...
Даһа сонра “Австралиjалылар Суриjа Үчүн” адлы тәшкилатын әлагәләр шөбәсинин сәдри Доктор Ғәссан әл-Әшиjj, Суриjа Бәс партиjасынын Австралиjадакы шөбәсинин катиби Фузи Әмин вә Суриjа Халг Иҹтимаиjjәти партиjасынын иҹрачы мүдири Әмәд Әjjуби чыхыш едәрәк Һизбуллаһ Мүгавимәт Тәшкилаты вә Суриjа Дөвләтинин сиjасәтләринә дәстәк олдугларыны билдирибләр.
Мәрасим иштиракчылары бир даһа мәзлум Суриjа Халгынын дәрдинә шәрик олдугларыны вә Суриjа Милли Ордусуна дәстәк вердикләрини елан едибләр.
АБНА- Хәбәр Аҝентлиjи
Диггәт: Хәбәрдән истифадә етдикдә мәнбәjә истинад лазымдыр
