Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән ,Иран Ислам Республикасынын мүдафиә вә силаһлы гүввәләрә дәстәк назири ҹүмә ҝүнү Москвада кечирилән Беjнәлхалг Тәһлүкәсизлик мәсәләләринин арашдырылмасы үзрә конфрансда Иран Ислам Республикасынын әсас беjнәлхалг тәһлүкәсизлик мәсәләләри гаршысындакы мүдафиә доктринасыны ачыглаjыб.
Ҝенерал-маjор Һүсеjн Деһган Иран силаһлы гүввәләринин Иранын 5+1 групу илә нүвә данышыгларынын давам етдирилмәсини дәстәкләдиjини билдирәрәк деjиб: Иранын мүдафиә стратеҝиjасы һүҹума jер олмаjан дост өлкәләрлә фаjдалы мүнасибәтләрә архаланмагдыр. Лакин тәҹавүзкарларын гүдрәтлә вә шүбһәсиз шәкилдә мәһв едилмәси мүтләг jеринә jетириләҹәкдир.
Иранын мүдафиә назиринин сөзләринә ҝөрә, Иранын мүдафиә доктринасы Ислам Ингилабынын Бөjүк рәһбәринин фитвасына әсасән күтләви гырғын силаһлары, истәр атом, истәрсә дә кимjәви силаһларындан истифадәни һарам вә рәдд олунмуш һесаб едир. Лакин мүдафиә гүдрәти силаһларла тәҹһиз олунан вә Ирана тәҹавүз етмәк гәсдиндә олан һәр бир тәҹавүзкар гаршысында тәсирли өнләjиҹи jаратмаг үчүн нормал силаһлара архаланмышдыр. Бу исә шүбһә едилмәjәҹәк бир приоритетдир.
“Һазырда терроризм Америка вә мүттәфигләринин стратежи jанлышлыглары вә малиjjә вә силаһ дәстәкләринә ҝөрә, дүнjа үчүн ҹидди тәһдидә чеврилмишдир. Буна ҝөрә, бу феноменлә мүбаризә бүтүн өлкәләрин вәзифәсидир” –деjә Деһган билдириб.
Ҝенерал-маjор Деһган Иранын Америка вә мүттәфигләринин диҝәр өлкәләрдәки мүдахиләләринә вә гануни һөкумәтләри девирмәк вә истиглалиjjәт севәр өлкәләрин тәҹриди үчүн сөз азадлығы, тәһлүкәсизлик вә демократиjа терминләриндән суи-истифадә етмәләринә гаршы олдуғуну вурғулаjыб.
Иранын мүдафиә назири билдириб: Иран һәмчинин Мисир, Украjна, Суриjа вә дүнjанын бәзи диҝәр өлкәләриндә баш вердиjи кими сиjаси азадлыгларын репрессиjасы үчүн мүстәбидлик үсулларындан истифадәни дә писләjир.
Tehran Radiosu
Диггәт: Хәбәрдән истифадә етдикдә мәнбәjә истинад лазымдыр
