Бу ҝүн Имам Муһәммәд Тәгинин (әлејһис сәлам) миладынын илдөнүмүдүр

Әһли Бејт (әлејһимус сәлам) -АБНА- Хәбәр Аҝентлији- Рәҹәб ајынын ону Ислам Пејғәмбәринин (сәлләллаһу әлејһи вә алиһ) пак аиләсинә севинҹ вә хошбәхтчиликин јенидән үз ҝәтирдији ҝүндүр. Бу ҝүн, јер вә ҝөј әһли фәрәһлә долу анлар јашајыблар. Мәһз бу ҝүн Аллаһын Дининин дүшмәнләри бир даһа динин мәһв олма арзусуну үрәкләриндә галаҹағынын вә Ислама һаким кәсиләҹәкләриндән мәјус олдуглары ҝүндүр. Бу ҝүн Бәшәр вә Ҹин тајфаларынын доггузунҹу Имамы, Имам Мәһәммәд Тәги, әл-Ҹәвадын (әлејһис сәлам) анадан олан ҝүнүнүн илдөнүмүдүр.

Биз АБНА олараг бу бәрәкәтли вә севинҹдоғуруҹу ҝүнлә әлагәдар илк өнҹә Заманын Саһиби, Имам Мәһди (Аллаһ онун зүһуруну тезләшдирсин) һәзрәтләринә, о һәзрәтин һагг наиби Имам Хаменеи ҹәнабларына, Али тәглид Мәрҹәләринә вә үмүмбәшәријјәтә сәмими гәлбдән тәбрик әрз едирик.

Имам Мәһәммәд Тәгинин (әлејһи сәлам) һәјаты барәдә гыса мәлумат

Доггузунҹу Имамын ады Мәһәммәд (әлејһис сәлам), күнјәси Әбу Ҹәфәр (әлејһис сәлам), ләгәби Тәги вә Ҹавад (әлејһис сәлам) олмуш, һиҹрәтин јүз дохсан бешинҹи илиндә милади тарих илә 811-ҹи илдә Мәдинә шәһәриндә дүнјаја ҝөз ачмышдыр. Атасы Имам Рза (әлејһис сәлам) Пејғәмбәрин (сәлләллаһу әлејһи вә алиһ) һәјат јолдашы олмуш Марија Гибтијјәнин нәслиндән һесаб олунан Сәбикә (әлејһа салам) ханым илә аилә һәјаты гурараг ондан тәкҹә бир өвлад Имам Ҹавады (әлејһис сәлам) дүнјаја ҝәтирмишдир. Һәзрәти Имам Рза (әлејис сәлам) Сәбикә (әлејһа салам) ханымы “Хәзаран” адландырарды. Сәбикә (әлејһа салам) ханым даим әхлаги дәјәрләр бахымындан јүксәк мәртәбәдә дурмуш вә өз дөврүнүн гадынларынын ән үстүнү һесаб олунурду. Белә ки, Имам Риза (әлејһис сәлам) о ханымы пак,нәҹабәтли вә фәзиләтли бир гадын кими јад едирди.

Имам Ҹавадын (әлејһис сәлам) атасы Имам Риза (әлејһис сәлам) Шәһид олдугда о һәзәрәтин тәхминән сәккиз јашы олмуш, милади тарих илә 818 –ҹи илдә Имамәт мәгамына наил олараг, ијирми беш јашында икән милади тарихи илә 835-ҹи илдә Шәһадәтә јетишмиш вә Бағдадын Гүрејш гәбристанлығында бабасы Имам Казимин (әлејһис сәлам) мәзарынын јанында Ирагын индики Казимејн шәһәриндә дәфн олунмушдур.

АБНА- Хәбәр Аҝентлији

Диггәт: Хәбәрдән истифадә етдикдә мәнбәјә истинад лазымдыр