Ајәтуллаһ Фазил Ләнкәрани азғын тәкфирчиләри кафир адландырды

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гум Елми Һөвзәсинин “Ҹамеи Мудәррисин” (Мүәллимләр Иҹмасы) һејәтинин фәал үзвү, Али Тәглид Мәрҹәси Ајәтуллаһ Фазил Ләнкәрани “Тәкфирчилик Мәфкүрәсинин Фигһи Бахымындан Арашдырылмасы” ады илә кечирилән Једдинҹи Елми Конфрансда чыхышы заманы вурғулајыб: “Тәкфирчиләрин фигһи бахымдан һансы һөкмә мәһкум олдуглары мүтләг арашдырылмалыдыр. Икинҹи мәсәлә исә бундан ибарәтдир ки, диҝәр инсанларын “тәкфирчиләр” гаршысында вәзифәләри нәдир?..”

Ајәтуллаһ Шејх Ҹавад Фазил Ләнкәрани даһа сонра билдириб: “Биз Шиәнин Фигһинә мүраҹиәт етдикдә мүтләг бахыб ҝөрмәлијик ки, мәзһәбләр арасында бәјан олунан гајдаларда фәрглилик вармыдыр? Биз иддиа едирик ки, Шиә Фигһинә там јијәләнмиш һәр бир кәс јахшы анлајыр ки, Шиә мәзһәбиндә тәкфир етмәк мәсәләси (админ: јәни кафирләри гејри кафирләрдән ајырмаг вә фигһи гајдалара ујғун олараг мүәјјән бир шәхсә кафир һөкмүнү вермәк) Сүнни мәзһәбинә нисбәтдә даһа дәгиг вә даһа да көклү бир мәсәләдир.”

Али Тәглид Мәрҹәси даһа сонра күфрүн мәнасы һагда данышараг билдириб: “Күфр кәлмәси әрәб дилиндәдир вә лүғтдә бәзән нашүкүрлүк мәнасында истифадә олунур, лакин бәзи лүғәт китаблары исә “күфр” кәлмәсини үстүн өртмәк вә бағламаг мәнасында ишләдәрәк билдирибләр: “Әҝәр инсан һәгигәтин үстүнү өртәрсә вә Аллаһ Тәаланын варлығыны ҝөрмәмәзликә вурарса, јахуд Үсули Дин мәсәләләриндән һәр һансы бирини мисал олараг Нүбуввәт (Пејғәмбәрлик), Рисаләт (Шәриәт вә Гајда Ганун) јахуд Төвһид (Аллаһ Тәаланы ваһид вә шәриксиз билмәк) кими мәсәләләри үст бастыр едәрсә белә олан сүрәтдә шәхс кафир сајылыр.””

Шиә Аләминин Бөјүк Алимләриндән бири олан Ајәтуллаһ Фазил Ләнкәрани билдириб: “Кәлимәји Шәһадәти (админ: јәни Аллаһын шәриксиз олдуғуна вә Ислам Пејғәмбәринин дә (сәлләллаһу әлејһи вә алиһ) Аллаһын Елчиси олдуғуна шәһадәт вермәк) дилинә ҝәтирәрән шәхс бахмајараг ки, гәлбиндә буна инамы олмаја, онун ҹаны, малы вә намусу мөһтәрәмдир (админ: јәни тохунумамазлыг һүгугуна малик олур). Бу гајда һәр ики мәзһәбдә Сүнни вә Шиә мәзһәбләриндә ејнидир. “Тәкфирчиләр” Шиәләри Гурани Кәрими тәһриф етмәкдә (админ: јәни дәјишмәкдә) ҝүнаһландырырлар. Бу да өз нөвбәсиндә “тәкфирчиләрин” һәва вә һәвәс үзүндән данышдыгларыны вә Аллаһ Тәаланын дејил мәһз өз истәкләри, һиссијјатлары үзәриндә һөкм чыхартдыгларыны сүбута јетирән нүмунәләрдән биридир.”

Ајәтуллаһ Фазил Ләкәрани даһа сонра билдириб: “Бу ҝүн мөмин бәндәләри дәлилсиз јерә тәкфир едәрәк кафир нисбәтини верән “тәкфирчиләрин” өзләри КАФИРДИР. Она ҝөрә ки, Имам Садигдән (әлејһи сәлам) нәгл олунан рәвајәтдә дејилир ки, мөмин бир шәхсә күфр вә кафирлик нисббәтини верән шәхс мәлундур (Аллаһ Тәаланын ләнәтинә дүчар ҝәлмишдир). Бу иш (админ: мөминә кафир нисбәтини вермәк) она бәнзәјир ки, елә бил ону (мөмини) өлдүрмүшдүр. Шиәнин Фигһиндә Аллаһ Тәаланы вә јахуд Ислам Пејғәмбәрини инкар етмәк кими мәсәләләр кафирикә ҝәтириб чыхаран ишләрдир вә бу мәсәләдә һеч бир шәк вә шүбһә јохдур.”

Әиммәи Әтһар-Пак Имамлар (әлејһим сәлам) адына Фигһи Мәркәзин сәдри Ајәтуллаһ Фазил Ләнкәрани билдириб: “Сон заманлар вәһаби мүфтиләриндән бири дејиб ки, Гәрб өлкәләринә сәфәр етмәк һарамдыр, бу нөв фәтвалар вермәк јалныз шәхси мејлләрә ујараг, һәвајинәфсдән ирәли ҝәлир.”

Фигһ Елминин Устатларындан сајылан Ајәтуллаһ Узма Фазил ләнкәрани даһа сонра дејиб: “Бу ҝүн “тәкфирчиләр” јени дин јарадыблар вә бу да өз нөвбәсиндә онларын МҮШРИК олмагларынын даһа бир нүмунәсидир. Чүнки, Аллаһ тәалнын ҝөндәрдији Диндән башга һеч бир дин ола билмәз.”

АБНА- Хәбәр Аҝентлији

Диггәт: Хәбәрдән истифадә етдикдә мәнбәјә истинад лазымдыр