Азәрбајҹан Ислам Партијасындан Лидер Доктор Мөвсүм Сәмәдова дәстәк бәјанаты

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Азәрбајҹан Ислам Партијасынын ШӘРЛӘНӘРӘК һәбсә салынмыш лидери Доктор Мөвсүм Сәмәдов ишғалчы сионист режимин гејрилегал хариҹи ишләр назирлијинин Азәрбајҹан Республикасына сәфәр етмәси илә бағлы ҹәзачәкмә мүәссисәси дахилиндән бәјанат вермишдир. Бу ҝүн исә Азәрбајҹан Ислам Партијасы Партијанын мөһтәрәм лидеринин бәјанатыны дәстәкләјән билдириш јајымлајыб.

Билдиришдә дејилир:

Азәрбајҹан Ислам Партијасынын һәбсдә олан сәдри Һаҹы Мөвсүм Сәмәдов һәмишәки кими заманында вә гәти шәкилдә мөвге сәрҝиләјиб.

Белә ки, Исраилин хариҹи ишләр назири Авигдор Либерманын апрелин 30-да Азәрбајҹана сәфәри АИП сәдри тәрәфиндән етиразла гаршыланыб. Президент Илһам Әлијев вә хариҹи ишләр назири Елмар Мәммәдјаров тәрәфиндән гәбул едилән Либерман Азәрбајҹанда өзүнү өз евиндәки кими һисс етдијини билдирир. Бәли, дүнјада мүсәлман гатилләри сырасында јер алмыш бу ҹинајәткар Азәрбајҹаны өзүнә чох јахын дост һесаб етдијини дилә ҝәтириб.

Һаҹы Мөвсүм Сәмәдов бу сәфәрә етираз едәрәк рәсми бәјанатында дејир: “Вәтәнимизин 20 фаиздән чох торпагларынын вә 10 миндән чох ана-баҹыларымызын хәбис вә ҹинәјаткар ермәниләрин әлиндә әсир олмасы она ҝөрә дејил ки, бизим гејрәтли вә мәрд оғулларымыз јохдур. Бәлкә бүтүн бу мүсибәтләрин сәбәби ондан ибарәтдир ки, бизим дөвләт башчыларымыз досту илә дүшмәни танымыр вә дүшмәни илә достлуг едир. Бәшәријјәтин дүшмәни олан сионизмә етираз һәр бир мүсәлмана ваҹиб вә фәрздир."

Азәрбајҹан Ислам Партијасы һәбсдә олан АИП сәдринин мөвгејини дәстәкләјир, тәшкилат рәһбәрлији адындан һәмрәјлик бәјанаты верәрәк ишғалчы режим рәсмисинин ишғала мәруз галмыш Азәрбајҹана сәфәрини писләјир.

P.S: Гејд едәк ки, Һаҹы Мөвсүм Сәмәдовун вердији бәјанатын там мәтни беләдир:

"Сионист режиминин ҹинајәткар хариҹи ишләр назиринин мүгәддәс вәтәнимизә ҝәлмәси гәбул олунмаздыр. Биз һамымыз бирмәналы олараг, билмәлијик ки, һәр Азәрбајҹан аиләсинин мадди ҝәрҝинликләр ичиндә һәјат сүрмәси она ҝөрә дејил ки, биз лазым олан игтисади ресурслара малик дејилик вә јахуд ҝүнбәҝүн ҹаванларымызын фәсада чәкилмәси ондан ирәли ҝәлмир ки, бизим һидајәт едән мүгәддәс китабымыз вә Һүсејн Ибн Әли кими рәһбәрләримиз јохдур. Вәтәнимизин 20 фаиздән чох торпагларынын вә 10 миндән чох ана-баҹыларымызын хәбис вә ҹинәјаткар ермәниләрин әлиндә әсир олмасы она ҝөрә дејил ки, бизим гејрәтли вә мәрд оғулларымыз јохдур. Бәлкә бүтүн бу мүсибәтләрин сәбәби ондан ибарәтдир ки, бизим дөвләт башчыларымыз досту илә дүшмәни танымыр вә дүшмәни илә достлуг едир. Бәшәријјәтин дүшмәни олан сионизмә етираз һәр бир мүсәлмана ваҹиб вә фәрздир."

АБНА- Хәбәр Аҝентлији Азәрбајҹан КИВ-ә истинадла

Диггәт: Хәбәрдән истифадә етдикдә мәнбәјә истинад лазымдыр