Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Шиәләринин Тәлаи Баталијонунун командири Фазил Ҹәмил әл-Бәрвари өтән ҝүн дурумунун мүкәммәл сағлам олдуғу һаггда видеомәлумат јајымлајараг, голунун кәсиләрәк Күрдүстан әјаләтиндәки хәстәханада мүалиҹә алдығы шајеәләрә сон гојду.
Бәзи медиалар өтән ҝүн Командир әл-Бәрваринин азғын “ИШИД” террорчу үнсүрләринин снајперчиси тәрәфиндән гол наһијјәсиндән вурулмуш вә јаранын шиддәтли олдуғу сәбәбиндән һәкимләр әл-Бәврваринин сол голун кәсмәјә мәҹбур олдуглары һаггда јалан мәлумат јајмышлар.
Ираг күрдләринин Шиәләриндән олан Тәлаи Баталијонунун командири видео васитәси илә бәјанат јајымлајараг һазырда аиләси илә бирҝә Бағдаддакы шәхси мәнзилиндә там сағлам вәзијјәтдә олдуғуну вә әл-Рәмади шәһәриндә ҝедән дөјүшләрдә дә һеч бир хәсарәт алмадығыны сөјләјиб.
Фазил әл-Бәрвари һабелә Күрдүстан әјаләтинин Ирбил шәһәриндәки хәстәханаја көчүрүлдүјү хәбәри тәкзиб едәрәк, “Бу ҹүр хәбәрләри јалныз Ираг өлкәсинин дүшмәнләри јајымлајар” – дејә билдириб.
Сонда Күрд әсилли Шиә командири тәкидлә билдириб: “Сечкиләрдән сонра, әл-Әнбар әјаләтинә јенидән гајыдараг өлкә дүшмәнләринә гаршы мүбаризәјмә башлајаҹағам.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
