Азәрбаjҹан кечмиш ССРИ өлкәләринин вәтәндашларынын садәләшдирилмиш гаjдада Русиjа вәтәндашлығына гәбул олунмасына мүнасибәт билд

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан кечмиш ССРИ өлкәләринин вәтәндашларынын садәләшдирилмиш гаjдада Русиjа вәтәндашлығына гәбул олунмасына мүнасибәт билдиб.
"Һәр бир өлкәнин өз миграсиjа сиjасәти вар. Вәтәндашлыға гәбул һәр бир өлкәнин дахили ганунвериҹилиjи илә тәнзимләнир вә бу, һәр бир өлкәнин суверен һүгугудур".
буну журналистләрә ачыгламасында Азәрбаjҹан хариҹи ишләр назиринин мүавини Хәләф Хәләфов билдириб.
Русиjада кечмиш ССРИ республикаларынын сакинләринин вәтәндашлыға гәбул гаjдаларынын садәләшдирилмәси илә бағлы гәбул олунан гануну шәрһ едән назир мүавини билдириб ки,  мәлум ганун лаjиһәси диҝәр дөвләтләрин мәнафеләринә тохунурса, әлбәттә ки, һәмин дөвләтләр дә бу мәнафеләринин горунмасы истигамәтиндә ганунвериҹилик саһәсиндә өзүнүн тәдбирләрини һәjата кечирә биләрләр: "Бу, һансы формада дөвләтин мәнафеjинә тохунур, буну әввәлҹәдән шәрһ етмәк мүмкүн деjил. Она ҝөрә дә бу мәсәләләрә конкрет олараг jанашмаг лазымдыр. Кечмиш ССРИ-jә дахил олан республикалар вә jа реҝиондакы диҝәр өлкәләрин вәтәндашларынын садәләшдирилмиш гаjдада вәтәндашлыға гәбул олунмасы вә jа олунмамасы  бизим мәсәлә деjил, һәр бир дөвләтин өз дахили ишидир. Лакин бу, Азәрбаjҹан вәтәндашларына шамил олунарса, һесаб едирәм ки, бу мәсәләләр һәр бир өлкәнин ганунвериҹилиjинә уjғун шәкилдә, гаршылыглы һөрмәт әсасында һәjата кечирилмәлидир. Бу мәсәләләр дөвләтләрарасы саһәдә дә тәнзимләнә биләр. Мәсәлән, бир чох дөвләтләр арасында икили вәтәндашлығын арадан галдырылмасы саһәсиндә сазишләр мөвҹуддур. Бу сазишләр мүәjjән едир ки, икили вәтәндашлыглар неҹә jараныр вә jаранырса, бунун арадан галдырылмасы үчүн һансы һүгуги механизмләрдән истифадә етмәк лазымдыр. Биз һәләлик бу проблемләрлә растлашмамышыг. Ҝәләҹәкдә бу проблемлә гаршылашарыгса, о заман бу, дөвләтимизин апардығы миграсиjа сиjасәти вә ганунвериҹилик чәрчивәсиндә өз һәллини тапа биләҹәк".
Диггәт: Хәбәрдән истифадә етдикдә мәнбәjә истинад лазымдыр