Украjна һәрби дәниз донанмасына мәхсус 7 дөjүш ҝәмиси Севастополдан Одессаjа ҝәтирилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,  Украjна һәрби дәниз донанмасына мәхсус 7 дөjүш ҝәмиси Севастополдан Одессаjа ҝәтирилиб. Ҝәмиләр Русиjа илә Украjна арасында ҝедән данышыгларын бир һиссәси олараг Украjнаjа гаjтарылыб. Артыг Крым һәрби дәниз базасындан Украjна тәрәфә тәһвил верилән дөjүш ҝәмиләринин саjы13-ә чатыб.

Украjна-Русиjа сәрһәддиндә итки илә нәтиҹәләнән атышмадан сонра да ҝәрҝинлик сәнҝимәjиб. Тәрәфләр өз мивгеләриндән ҝери шәкилмәjәҹәкләрини бәjан едибләр.

Верилән мәлумата ҝөрә, етиразчылар Украjнанын федераллшмасы тәләбини jеринә jетирилмәjәнәдәк баррикадалардан чәкилмәjәҹәкләрини вә зәбт етдикләри һөкумәт биналарыны азад етмәjәҹәкләрини бәjан едибләр. Өлкәнин ҹәнуб-шәргиндә етиразлар баш галдырдыгдан сонра онларла һөкумәт бинасы русиjаjөнүмлү гүввәләрин нәзарәтинә кечиб. Һазырда күчәләрдә галмагда давам едән етиразчылар Русиjаны Украjнаjа игтисади вә малиjjә тәзjиги ҝөстәрмәjә чағырыб.

Етиразчы Александр Тимчишинин сөзләринә ҝөрә, әлбәттә, Русиjанын Донетск вилаjәтинә орду jеритмәси мүмкүн деjил: “Чүнки бу, беjнәлхалг һүгугун позулмасы демәк оларды. Лакин Русиjа Киjевдәки ҹинаjәткар дәстәjә игтисади вә сиjаси тәзjиг ҝөстәрмәклә Украjнанын ҹәнуб-шәргиндә вәзиjjәти стабилләшдирә биләр”.

Славjанск шәһәриндә баш верән силаһлы инсидентдән сонра шәһәр мери Владимир Путинә мүраҹиәт едәрәк бөлҝәjә сүлһмәрамлылар ҝөндәрмәjи хаһиш етмишди. Јаранмыш вәзиjjәтлә бағлы шәһәрдә ҝеҹәдән сәһәр саат 6-а кими комендант сааты гүввәjә миниб
Диггәт: Хәбәрдән истифадә етдикдә мәнбәjә истинад лазымдыр

İslaminsesi.az