Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Рәшад Рамазанов аҹлыг аксиjасына башлаjыб
Диндар блогчу Рәшад Рамазанов апрелин 21-дә һәjат jолдашы Көнүл Исмаjылова илә телефон әлагәси сахлаjыб
Көнүл Исмаjылова “Медиа форум” саjтына деjиб ки, Рәшад Рамазанов она апрелин 20-дән 2 саjлы Ҹәзачәкмә Мүәссисәсиндә аҹлыг аксиjасына башладығыны вә бунунла “Нида”чы ҝәнҹләрлә һәмрәj олдуғуну билдириб: “Рәшадын ағ ҹиjәри хәстәдир, мәним етиразыма бахмаjараг бу аддымы атмагда исрарлыдыр”.
Рәшад Рамазанов 2013-ҹү илин маjында һәбс едилиб. О, ганунсуз олараг күлли мигдарда наркотик васитәләри сахламагда тәгсирли билиниб. Бакы Ағыр Ҹинаjәтләр Мәһкәмәси Рәшад Рамазанова 9 ил азадлыгдан мәһруметмә ҹәзасы кәсиб. Бакы Апеллjасиjа Мәһкәмәси һөкмү гүввәдә сахлаjыб.
Рәшад Рамазанов сосиал шәбәкәләрдә һакимиjjәт әлеjһинә статуслар паjлашдығына ҝөрә таныныб. “Нида” Вәтәндаш Һәрәкатынын һәбсдә олан 8 үзвү Бакы Истинтаг Тәҹридханасында аҹлыг аксиjасы кечирир.
Аксиjаjа сәбәб апрелин 17-дә Бакы Ағыр Ҹинаjәтләр Мәһкәмәсиндә кечирилән просесдә дөвләт иттиһамчысынын тәгсирләндириләнләрә 6 ил 6 аjдан 8 ил 6 аjадәк һәбс ҹәзасы истәмәсидир.
исламазери.аз
Диггәт: Хәбәрдән истифадә етдикдә мәнбәjә истинад лазымдыр
İSLAMAZERİ.AZ
