Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш сионист исраил режимин баш назири Бенјамин Нетанјаһонун евинин сабиг гуллугчусу Жил Илјаһо мәһкәмәјә шикајәт едиб.
О, Нетанјаһонун арвады Саранын онунла чох пис даврандығыны вә шәхсијјәтинин алчалдығыны билдириб.
Нетанјаһонун офиси исә, бир даһа хәбәри тәкзиб едиб вә белә бир һадисәнин баш вермәдијини вә бунун баш назирә гаршы нөвбәти “гара пиар” олдуғуну билдириб.
Ишғалчы режимин телевизијасы исә хәбәр һагда ачыглама верәрәк билдириб: “Нетанјаһонун евиндә ишләјән сабиг гуллугчу баш назирин ханымыны мәһкәмәјә вермәк нијјәтиндәдир.”
Сабиг гуллугчи Жил Илјаһо вердији ачыгламада билдириб: “Нетанјаһонун ханымы мәнимлә олдугҹа пис вә тәһгирамиз рәфтарлар едиб.”
Ики ил өнҹә ишиндән узаглашан хадимә даһа сонра дејиб: “Нетанјаһонун евиндә хидмәт ҝөстәрән гуллугчулар даим горху ичиндә јашајырлар... Мән шәхсијјәтимин алчалдығы үчүн бу аиләдән 500 мин ваһид Исраил пулу тәләб едирәм.”
Гејд едәк ки, Бенјамин Нетанјаһонун ханымы кобуд рәфтарлы бир гадын кими таныныр. 2013-ҹү илин 19 март ајында да Сара Нетанјаһонун шәхси ҹанҝүдәнләриндән бири дә Саранын кобуд хасијјәтиндән ирәли ҝәлән тәһгирамиз рәфтарларындан мәһкәмәјә шикајәтләнмишдир. Һабелә сионист режиминдә чап олунан газетләр дә өз нөвбәсиндә Саранын кобуд рәфтарларыны даим ишыгландырырлар. Саранын кобуд адам олмасы артыг һеч кимә ҝизли дејил.
Хатырладаг ки, 2010-ҹу илдә дә, Нетанјаһо аиләсинин гуллугчуларындан олан гадын хидмәтчиси, Саранын тәһгирамиз рәфтарларына дөзә билмәјәрәк мәһкәмәјә шикајәт етмишдир.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
