Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Кәрбәләда һәзрәти Әбүлфәзл Әббасын (әлејһи сәлам) һәрәминин хадимләри, Үммүл Бәнин (сәламуллаһи әлејһа) ханымын Шәһадәтинин илдөнүмү мүнасибәти илә һәрәми гара бајраглар вә парчалар илә бәзәјәрәк әзадарлыг едибләр.
Әзадарлыг мәҹлисиндә, һәзрәти Әбүлфәзл Әббасын (әлејһи сәлам) һәрәминин мүхтәлиф ишчи групларындан ибарәт тәшкил олунмуш һејәтләр һәзрәти Әббасын (әлејһи сәлам) анасы Үммүл Бәнин (сәламуллаһи әлејһа) ханымын шәнинә гәсидәләр демиш вә о ханымын мәгам вә мәнзиләтини танытдыран шүарлар сәсләндирмишләр.
Һәрәминин мүхтәлиф ишчи групларындан ибарәт тәшкил олунмуш һејәтләр тәрәфиндән һәзрәти Әбүлфәзл Әббасын (әлејһи сәлам) пак һәрәминдә кечирилән рәсми әзадарлыг мәрасими сона јетдикдән сонра, Әһли Бејт (әлејһимус сәлам) ашигләри мүхтәлиф һејәтләр чәрчивәсиндә һәзрәти Әбүлфәзлил Әббасын (әлејһи сәлам) һәрәминә дахил олараг әзадарлыг мәрасимини гејд едибләр.
Үммүл Бәнин (әлејһа сәлам) Ханым һагда гыса анлајыш
Әмирәл Мөминин Әлинин (әлејһис сәлам) Үммүл Бәнинлә (әлејһа сәлам) издиваҹы
Имам Әли (әлејһис сәлам) ҹәнаблары Ханым Фатимәји Зәһра (сәламуллаһии әлејһа) атасынын шәһадәтиндән сонра, ҹәми 95 ҝүн фани дүнјада јашаја билди.
Имам Әли (әејһис сәлам) Ханым Фатимәји Зәһранын Шәһадәтиндән сонра, әрәб тајфаларына ашналығы олан гардашы Әгил ибни Әбу Талиби (әлејһимәс сәлам) јанына чағырыб, ондан шүҹаәтли тајфадан, Кәрбала шөлүндә Имам Һүсејнә көмәкчи олан оғлан ушағы дүнјаја ҝәтирә билән бир ләјагәтли ханым тапыб онунла евләнмәк истәдијини билдирди.
Әгил, шүҹаәтликдә ад чыхартмыш Бәни Килаб тајфасындан олан Фатимә Килабијјә бинти Һизамы Һәзрәт Әли үчүн елчилик етди...
Фатимә Килабијјә бинти Һизам Имам Әлинин (әлејһи сәлам) евинә ҝәлдији ҝүндән даим чалышырды ки, Ислам Пејғәмбәринин накам гызы Һәзрәти Фатимәнин балалары үчүн јахшы аналыг олсун вә баҹардыгҹа синәләринә Ана Дағы дәјмиш аз јашлы Зејнәб, Һәсән вә Һүсејнә (әлејһимус сәлам) Ана мәһәббәтини әта едә билсин.
Бу сәбәбдән дә о өзү Имам Әлијә (әлејһи сәлам), мәни адымла чағырма, Үммүл Бәнин (јәни ушагларын анасы) ады илә чағыр дејәрәк мүраҹиәт етди...
Үммүл Бәнинин (сәламуллаһи әлејһа) һәзрәти Әлијә (әлејһи сәлам) бәхш етдији өвладлар
Үммүл Бәнин (сәламуллаһи әлејһа) Имам Әлидән дөрд оғлан өвлады дүнјаја ҝәтириб: 1- Әбүлфәзлил Әббас. 2- Әбдуллаһ. 3- Ҹәфәр. 4- Осман (әлејһимус сәлам).
Онун дөрд оғлунун дөрдү дә Кәрбәла һадисәсиндә, Имам Һүсејнин ҝөзү өнүндә Ислам Дүшмәнләри илә шүҹаәтлә дөјүшәрәк уҹа Шәһидлик зирвәсинә чатмаға наил олмушлар...
Кәрбала һадисәсиндән сонра Әһли-Бејтин (әлејһис сәлам) Шама сүрҝүн едилиб орадан да, Мәдинәјә гајтарылдыгда, өзүнү Ханыб Зејнәбин евинә чатдырараг, доғма оғлу Әббасы сорушмадан илк Ханым Зејнәбин Кәрбалада шәһид олмуш дөрд баласыны она тәслијјәт верди...
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
