Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада террор актлары һәjата кечирән вә мүхтәлиф дәһшәтли ҹинаjәт һадисәләрини төрәдән азәрбаjҹанлыларла бағлы нөвбәти ачыглама 34 jашлы Солтан Мирзәjевин һәjат jолдашындан ҝәлиб.
“Меjдан ТВ”jә данышан Мәтанәт Мирзәjеванын дедикләриндә әсасән, һәjат jолдашы 2013-ҹү илин августунда Суриjаjа ҝедәрәк террор вә ҹинаjәт һадисәләриндә иштирак едиб. Ҹари илин (2014) jанварын 3-дә Суриjа Милли Ордусунун апардығы анти-террор әмәлиjjатларында дармадағын едилиб.
Мәтанәт Мирзәjева һәмчинин “вәһһаби” һәjат jолдашынын Суриjаjа ҝедәркән ҹибиндә тәкҹә 5 манат олдуғуну вә бүтүн хәрҹләри онун jарамаз “вәһһаби” jолдашлары тәрәфиндән өдәнилдиjини билдириб.
Азғын “вәһһаби” jараглысынын һәjат jолдашы даһа сонра “Онларын өзләринин Азәрбаjҹанда хүсуси груплары вар ки, дини биликләри паjлашыр, имканы чатыб ала билмәjәнә китаблары ҝөндәрирләр. Сәләфиләри китабларла тәҹһиз едир, хүсуси jерләрдә топлантылар тәшкил едирләр. Үмуми сөһбәтләрдә бу просеси апаранлардан Гамәт, Әлихан Мусаjевин адыны чәкирдиләр. Онлар ”Гала" вә диҝәр Мәсҹидләрдә топлашырдылар. Бу шәхсләрин кимлиjи арашдырылмалыдыр. Мәним һәjат jолдашымын пулу jох иди ки, Суриjаjа ҝетсин. Амма хүсуси груплар ону тәjjарә илә Түркиjәjә, сонра да Суриjаjа кечирдиләр" – деjәрәк әринин Суриjа халгына гаршы ҹинаjәт актларыны һәjата кечирмәсиндән вә бу jолда өлдүjүндән тәсүфләндиjини билдириб.
Геjд едәк ки, азәрбаjҹанлы “вәһһаби” террорчусу олан Солтан Мирзәjев Суриjада 4 аj тәлим кечдикдән сонра она террор актлары һәjата кечирмәк үчүн иҹазә верилиб.
Билдирәк ки, Азәрбаjҹан вәтәндашлары өлкә әразисиндә ганунсуз бирләшмәләрә ҹәлб олунурларса, онлара гаршы Ҹинаjәт Мәҹәлләсинин тәләбләринә уjғун өлчү ҝөтүрүлмәлидир. Азәрбаjҹан һөкүмәти Суриjада әри өлән ханымын бу ҹүр ачыгламаларына рәсми шәкилдә мүнасибәт билдирилмәли вә һүгуг-мүһафизә органлары адычәкилән Гамәт вә Әлихан Мусаjеви данышдырараг арашдырма апармалыдыр. Бир сөзлә, факта һүгуги гиjмәт верилмәлидир. Һәр бир һалда, иҹтимаиjjәтә ачыглама верилмәлидир”.
Диггәт: Хәбәрдән истифадә етдикдә мәнбәjә истинад лазымдыр
