Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада гаршыдурмалар jарадан азғын “вәһһаби” jараглылары, Һәләб әjаләтиндә Шиәләрин компакт jашадыглары Нубул вә Зәһра шәһәрләрини “град” ракети илә һәдәфә алыблар.
Силаһсыз динҹ сакинләрин jашаjыш евләрини һәдәфә алан ракет һүҹумлары нәтиҹәсиндә Нубул шәһәринин ҹәнуб бөлҝәсиндәки jашаjыш мәнзилләринә хеjли саjда мадди хәсарәтләр дәjиб. Өлән вә jаралананлар һагда мәлумат верилмәjиб.
Геjд едәк ки, Нубул вә Зәһра шәһәрләри сон өтән һәфтәләр әрзиндә гондарма “Ираг вә Шам Ислам Дөвләти” адлы азғын “сәләфи” террорчу груплашмасынын давамлы ракет һүҹумларына мәруз галыб.
Хатырладаг ки, Нубул вә Зәһра шәһәрләри бир илдән артыг азғын “тәкфирчи- сәләфи” jараглылары тәрәфиндән мүһасирәдә галараг дүшмән гүввәләринә тәслим олмадыглары үчүн Суриjанын Мүгавимәт Символуна чеврилиб. Геjд олунан шәһәрләрдә 55- 60 мин Шиәнин jашадығы билдирилир.
Диггәт: Хәбәрдән истифадә етдикдә мәнбәjә истинад лазымдыр
