Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн 17 Јанвар 2014 тарих, jерли вахтла 08:00-да Даһи Ислам Пеjғәмбәринин (сәлләллаһу әлеjһи вә алиһ) Бөjүк Милады илә бағлы, Иран Ислам Республикасынын Паjтахты Теһран шәһәриндә, “27-ҹи Беjнәлхалг Ислами Вәһдәт Конфрансы” өз ишинә рәсмән башлаjыб.
“Гурани Кәрим вә Онун Ислам Үммәтинин Вәһдәтиндәки Ролу” үнваны алтында кечирилән “27-ҹи Беjнәлхалг Ислами Вәһдәт Конфрансы”, Теһранын “Ислами Өлкәләрин Зирвә Топлантысы Салону”нда, Али Тәглид Мәрҹәләринин Месажларынын охунмасындан сонра, Үмумдүнjа Ислам Мәзһәбләринин Јахынлашмасы Ассамблеjасынын Баш Катибинин чыхышы вә сонра исә Иран Ислам Республикасынын Президенти Һөҹҹәтүл Ислам вәл Мүслимин Доктор Һәсән Руһанинин хүтбәси илә өз ишинә давам едиб.
Мәрасимдә, Үмумдүнjа Ислам Мәзһәбләринин Јахынлашмасы Ассамблеjасынын Баш Катиби Аjәтуллаһ Мөһсүн Әраки ҹәнаблары илә jанашы, Тунисин Баш Мүфтиси Шеjх Һәмдә ибн Өмәр Сәид, Суриjанын Баш Мүфтүси Шеjх Әһмәд Бәдруд Дин Һәсун, Русиjа Мүфтүсү Нәфиуллаһ Әшироф вә башга даһи шәхсләр дә иштиракы едибләр.
Һәмчинин мәрасимдә чыхыш үчүн сөз Ирагын сабиг Баш Назири Ибраһим Ҹәфәри, Ливан Һизбуллаһ Мүгавимәт Тәшкилатынын нүмаjәндәси вә Сиjаси Ишләр Үзрә Шуранын Сәдри Сеjjид Ибраһим Әмин Сәид, Иорданиjанын Вәгфләр Назирлиjи Һаил Әбдүл Һәфиз Давуд вә Суриjанын Баш Мүфтүсү Шеjх Әһмәд Бәдруд Дин Һәсуна верилиб.
Диггәт: Хәбәрдән истифадә етдикдә мәнбәjә истинад лазымдыр
