Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Москвапәрәст Чеченистан һөкумәтинин рәһбәри Рамзан Кадыров үсjанчыларынын лидери Доку Умаровун меjитинин ахтарылдығыны деjиб.
Президент Кадыров деjиб ки, Умаровун һәjатда олмадығы барәдә мәлуматы силаһлылар арасында апарылан телефон данышыглары да тәсдигләjиб.
"Биз Умаровун әмәлиjjатларын бириндә өлдүрүлдүjүнә 99 фаиз әминиjдик. Инди онун мәһв едилмәсини исбатлаjан дәлилләр вар. Һәрчәнд ки, меjити тапа билмәмәшик, - ҹүмә ахшамы Рамзан Кадыровун Инстаҝрам-дакы һесабында билдирилир. - Әлә кечирилән бәднам “әмирләрин” телефон сөһбәтләшмәләриндә онун өлүмү илә бағлы башсағлығы верилир вә jени “әмирин” намизәдлиjи мүзакирә олунур”.
Кадыров телефон сөһбәтләшмәләриндә Кабардин-Балкар вә Дағыстан силаһлыларынын иштирак етдиjини деjиб.
Доку Умаровун өлүмү барәдә хәбәр артыг 8-ҹи дәфәдир ки, елан олунур.
Русиjа хүсуси хидмәтләриндәки мәнбә чечен сепаратчы лидеринин өлүмү барәдә мәлумата малик олмадығыны билдириб.
2007-ҹи илдә өзүнү “Гафгаз әмирлиjинин әмири” елан етмиш Доку Умаров 2012-ҹи илдә Русиjа президенти Владимир Путинә гаршы етиразлардан сонра мүлки әһали әлеjһинә һүҹумларын даjандырлмасына сәсләjиб.
Лакин 2013-ҹү илин иjун аjында о бу гәрарыны дәjишдирәрәк Кликләjин Сочидә Олимпиjа оjунларынын кечирилмәсинә jол вермәjәҹәjи барәдә видеомүраҹиәтлә чыхыш едиб.
О замандан бәри, Доку Умаровун өлүмүнү тәсдигләjән мәлуматлар дахил олмаjыб.
Диггәт: Хәбәрдән истифадә етдикдә мәнбәjә истинад лазымдыр
